କୋଭିଡ୍ ହସ୍ପିଟାଲରେ ଆଉ ୧୧ ମୃତ
ସମ୍ବଲପୁର : କୋଭିଡ୍ ହସ୍ପିଟାଲ୍ରେ ମୃତ୍ୟୁ ସଂଖ୍ୟା କମିବାର ନାଁ ନେଉନାହିଁ। ଶନିବାର ଭିମ୍ସାର କୋଭିଡ୍ ହସ୍ପିଟାଲ୍, ସମ୍ବଲପୁର କୋଭିଡ୍ ହସ୍ପିଟାଲ ଓ ଏକ ଘରୋଇ ନର୍ସିଂ ହୋମ୍ରେ ମୋଟ ୧୧ ଜଣ କରୋନା ସଂକ୍ରମିତଙ୍କର ମୃତ୍ୟୁ ଘଟିଛି। ବୁର୍ଲା କୋଭିଡ୍ ହସ୍ପିଟାଲ୍ରେ ୮ ଜଣଙ୍କର ମୃତ୍ୟୁ ଘଟିଥିବା ବେଳେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଶ୍ବିନୀ ପକ୍ଷରୁ ପରିଚାଳିତ କୋଭିଡ୍ ହସ୍ପିଟାଲ୍ରେ ୨ ଜଣ ଏବଂ ବୁର୍ଲାର ଏକ ଘରୋଇ ନର୍ସିଂ ହୋମ୍ରେ ଜଣେ ସଂକ୍ରମିତଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି।
Sambad is now on WhatsApp
Join and get latest news updates delivered to you via WhatsApp
ବୁର୍ଲା କୋଭିଡ୍ ହସ୍ପିଟାଲ୍ରେ ସମ୍ବଲପୁରର ସର୍ବାଧିକ ୩ ଜଣ ମୃତ୍ୟୁବରଣ କରିଥିବା ବେଳେ ବରଗଡ଼ ଓ ସୁବର୍ଣ୍ଣପୁରରୁ ୨ ଜଣ ଲେଖାଏଁ ଏବଂ ଝାରସୁଗୁଡ଼ାର ଜଣେ ମୃତ୍ୟୁବରଣ କରିଛନ୍ତି। ମୃତକଙ୍କ ମଧ୍ୟରେ ସମ୍ବଲପୁରର ଜଣେ ୬୫ ବର୍ଷୀୟା, ଜଣେ ୫୦ ବର୍ଷୀୟ ଓ ଜଣେ ୬୦ ବର୍ଷୀୟ ରହିଥିବା ବେଳେ ବରଗଡ଼ର ଜଣେ ୫୫ ବର୍ଷୀୟା ଓ ଜଣେ ୫୦ ବର୍ଷୀୟ, ସୁବର୍ଣ୍ଣପୁରର ଜଣେ ୪୪ ବର୍ଷୀୟ ଓ ଜଣେ ୪୫ ବର୍ଷୀୟ ଏବଂ ଝାରସୁଗୁଡ଼ାର ଜଣେ ୬୫ ବର୍ଷୀୟ ଅଛନ୍ତି। ଏହି ୮ ମୃତକଙ୍କୁ ମିଶାଇ ଭିମ୍ସାର୍ କୋଭିଡ୍ ହସ୍ପିଟାଲ୍ରେ ମୋଟ ମୃତ୍ୟୁ ସଂଖ୍ୟା ୭୩୫କୁ ବୃଦ୍ଧି ପାଇଛି। ଏଠାରେ ବର୍ତ୍ତମାନ ୨୦୦ରୁ ଅଧିକ କରୋନା ସଂକ୍ରମିତ ଚିକିତ୍ସାଧୀନ ଅଛନ୍ତି।