ପୂର୍ବତନ ଟ୍ରେଜେରି ଆକାଉଣ୍ଟାଣ୍ଟଙ୍କୁ ୩ ବର୍ଷ ଜେଲ୍
ଫୁଲବାଣୀ : ଗୁରୁବାର ଦିନ ଫୁଲବାଣୀ ସ୍ବତନ୍ତ୍ର ଭିଜିଲାନ୍ସ କୋର୍ଟ ଏକ ଲାଞ୍ଚ ମାମଲାର ଶୁଣାଣି କରି ଆକାଉଣ୍ଟାଣ୍ଟ ନାରାୟଣ ମଲିକଙ୍କୁ ୩ ବର୍ଷ ସଶ୍ରମ କାରାଦଣ୍ଡ ସହିତ ୫ ହଜାର ଟଙ୍କା ଜରିମାନା ଶୁଣାଣି କରିଛନ୍ତି। ଜରିମାନା ଅନାଦେୟ ରହିଲେ ଅଧିକ ୩ ମାସ ଜେଲ୍ ଭୋଗିବାକୁ କୋର୍ଟ ନିଜ ରାୟରେ ଉଲ୍ଲେଖ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଘଟଣାରୁ ପ୍ରକାଶ, ବୌଦ୍ଧ ଜିଲ୍ଲା ଟ୍ରେଜେରି ଅଫିସର ପୂର୍ବତନ ଆକାଉଣ୍ଟାଣ୍ଟ ନାରାୟଣ ମଲିକ ଏକ ବିଲ୍ ପାସ କରାଇଦେବା ପାଇଁ ଅଭିଯୋଗକାରୀଙ୍କ ନିକଟରୁ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ବ୍ରହ୍ମପୁର ଭିଜିଲାନ୍ସ ହାତରେ ଧରା ପଡ଼ିଥିଲେ। ଏ ନେଇ ଗତ ୨୦୧୯ ମସିହାରେ ବ୍ରହ୍ମପୁର ଭିଜିଲାନ୍ସ ପୁଲିସରେ ଏକ ମାମଲା ରୁଜୁ ହୋଇଥିଲା।