ଭବାନୀପାଟଣା : କଳାହାଣ୍ଡି ଅବକାରୀ ଅଧିକ୍ଷକ ଡ଼ମ୍ବରୁଧର ଖଣ୍ଡାଙ୍କ ନିର୍ଦେଶ କ୍ରମେ ମଦନପୁର ରାମପୁର ଅବକାରୀ ଭାରପ୍ରାପ୍ତ ଅଧିକାରୀ ରଞ୍ଜୁଲତା ବାରିକଙ୍କ ନେତୃତ୍ୱରେ ଅବକାରୀ ଚଢଉ କରାଯାଇ ୫୦ ଲିଟର ହାତରନ୍ଧା ଦେଶୀମଦ ଓ ଏକ ବାଇକ ଜବତ କରିବା ସହିତ ଜଣଙ୍କୁ ଗିରଫ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନାରୁ ପ୍ରକାଶ ଯେ, କଳାହାଣ୍ଡି ଜିଲ୍ଲା ମଦନପୁର ରାମପୁର ଅବକାରୀ ଭାରପ୍ରାପ୍ତ ଅଧିକାରୀ ରଞ୍ଜୁଲତା ବାରିକ ସୂଚନା ପାଇ ଜୋରାଡୋବ୍ରା ପୋଲ ନିକଟରେ ଛକି ରହିଥିଲେ । ବୋରପଦର ଗ୍ରାମର କେଦାର ରଞ୍ଜନ ମାଝୀ ଓରଫ ଏକା(୨୩) ବାଇକ ନଂ ଓଡ଼ି ୦୩ ବି ୫୮୪୮ରେ ୫୦ ଲିଟର ଦେଶୀ ହାତରନ୍ଧା ମଦ ବାଇକରେ ବୋଝେଇ କରି ବିକ୍ରି ପାଇଁ ନେଉଥିଲା । ଏହି ସମୟରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରି ବାଇକକୁ ଅଟକାଇ ୫୦ ଲିଟର ମଦ ଓ ବାଇକ ଜବତ କରିଥିଲେ । ଏନେଇ ଏକ ମାମଲା ରୁଜୁ କରି କେଦାର ରଞ୍ଜନ ମାଝୀଙ୍କୁ ଗିରଫ କରାଯାଇଛି । ଆଜିର ଏହି ଚଢ଼ାଉରେ ଅବକାରୀ କନଷ୍ଟେବଳ ସିଆରୀ ହରିଜନ ଓ ରବି ନାଗ ପ୍ରମୁଖ ସାମିଲ ହୋଇଥିଲେ ।