ଯଶିପୁର/ପଦ୍ମପୁର: ଯଶିପୁର ବ୍ଲକ୍ ସିଙ୍ଗାରପୁର ଗାଁର ମହିଳା ମାଣ୍ଡିଆ ଚାଷୀ ସୁବାସ ମହନ୍ତଙ୍କୁ ‘ଏଗ୍ଜିଷ୍ଟେନ୍ସ ବେୟାର ଫୁଟ୍’ ଫେଲୋସିପ୍ ସମ୍ମାନ ମିଳିଛି। ମୟୂରଭଞ୍ଜ ଜିଲ୍ଲାରେ ମିଲେଟ୍ ମିସନ୍କୁ ଆଗକୁ ନେବାରେ ଶ୍ରୀମତୀ ମହାନ୍ତ ଝାଳବୁହା ପରିଶ୍ରମ କରିଛନ୍ତି। ସେ ୯ ପ୍ରକାର ମାଣ୍ଡିଆ ଚାଷ କରିବା ସହ ନିଜେ ଆତ୍ମନିର୍ଭରଶୀଳ ହୋଇ ଅନ୍ୟମାନଙ୍କ ପାଇଁ ପ୍ରେରଣା ସାଜିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଅଞ୍ଚଳରେ ମାଣ୍ଡିଆ ମା’ ଭାବେ ଜଣାଶୁଣା ସୁବାସଙ୍କ ଅକ୍ଲାନ୍ତ ପରିଶ୍ରମ ଓ ପ୍ରଗତିଶୀଳ ଦୃଷ୍ଟିକୋଣ ପାଇଁ ତାଙ୍କୁ ବିଭିନ୍ନ ଅନୁଷ୍ଠାନ ସମ୍ମାନିତ ମଧ୍ୟ କରିଛନ୍ତି। ‘ଏଗଜିଷ୍ଟେନ୍ସ’ର ନିର୍ଦ୍ଦେଶିକା ଡ.ବିଜୟାଶ୍ରୀ ଶତପଥୀ ଯଶିପୁର ଗସ୍ତରେ ଆସି ସୁବାସଙ୍କୁ ଭେଟିବା ସହ ତାଙ୍କୁ ଫେଲୋସିପ୍ ସମ୍ମାନ ବିଷୟରେ ଅବଗତ କରିଥିଲେ।