ଫନିର ଶକ୍ତି ଯେତିକି ହେବ ବୋଲି ଆଶଙ୍କା କରାଯାଉଥିଲା ତା ତୁଳନାରେ କମ ରହିଛି : ଆମେରିକା ନୌସେନା
ଭୁବନେଶ୍ୱର : ଭୀଷଣ ସାମୁଦ୍ରିକ ବାତ୍ୟା ଫନି ପୁରୀ ନିକଟରେ ଲାଣ୍ଡଫଲ କରିଛି । ତେବେ ଏହାର ଆଖି ଏବେ ମଧ୍ୟ ପ୍ରାୟ ୩୦ କିଲୋମିଟର ଦୂରରେ ରହିଛି । ଏହା ସ୍ଥଳଭାଗ ଛୁଇଁବା ପରେ ପବନର ବେଗ ଘଣ୍ଟାପ୍ରତି ୨୦୦ କିଲୋମିଟର ଟପିବା ଆଶଙ୍କା କରିଛି ପାଣିପାଗ ବିଭାଗ । ତେବେ ଆମେରିକା ନୌସେନା କହିଛି ଯେ ଗତ କିଛି ଘଣ୍ଟା ମଧ୍ୟରେ ଫନି ସାମାନ୍ୟ ଦୁର୍ବଳ ହୋଇପଡିଛି । ଅର୍ଥାତ ପୂର୍ବରୁ ଯେଉଁ ଶକ୍ତି ସହ ଏହା ଆସିବା ଅନୁମାନ କରାଯାଉଥିଲା ଏବେ ତାଠାରୁ ଟିକିଏ ଦୁର୍ବଳ ହୋଇ ସ୍ଥଳଭାଗ ଛୁଇଁଛି । ଏହା ଆସନ୍ତା କାଲି ସଂଧ୍ୟା ସୁଦ୍ଧା ବାଂଲାଦେଶ ଛୁଇଁବା ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଏହି ବାତ୍ୟା ସଂପର୍କରେ ତଥ୍ୟ ହାସଲ କରିବା ପାଇଁ ଆମେରିକା ନୌସେନା ନିଜସ୍ୱ ଶକ୍ତିଶାଳୀ ସାଟେଲାଇଟ ବ୍ୟବହାର କରିବା ସହ ଭାରତୀୟ ଡପଲର ରାଡାର ମାଧ୍ୟମରେ ମିଳୁଥିବା ତଥ୍ୟକୁ ମଧ୍ୟ ମିଳାଇ ପୂର୍ବାନୁମାନ କରୁଛି । ପୂର୍ବରୁ ଆଶା କରାଯାଉଥିଲା ଯେ ଫନିର ଯୋଗୁଁ ପବନର ବେଗ ୨୨୦ କିଲୋମିଟର ଟପିବ । କିନ୍ତୁ ଏବେ ସୁଦ୍ଧା ହୋଇଥିବା ପବନ ୨୦୦ କିଲୋମିଟରରୁ କମ ରହିଛି ।