ବିଂଝାରପୁର  : କଟକ କେନ୍ଦ୍ର ସମବାୟ ସମିତି ବିଂଝାରପୁର ଶାଖା ଅନ୍ତର୍ଗତ ଅରେଇ ପ୍ୟାକ୍ସରେ ଧାନକିଣାରେ ଅବ୍ୟବସ୍ଥାକୁ ନେଇ ଉତ୍ତ୍ୟକ୍ତ ଚାଷୀ ଯାଜପୁର-ସିଂହପୁର ମୁଖ୍ୟରାସ୍ତା ଅବରୋଧ କରିଥିଲେ। ଖବରପାଇ ବିଂଝାରପୁର ପୁଲିସ ଘଟଣାସ୍ଥଳରେ ପହଞ୍ଚି ଚାଷୀଙ୍କୁ ବୁଝାସୁଝା କରିବା ସହ ପରିସ୍ଥିତିକୁ ସ୍ଵାଭାବିକ କରିଥିଲେ। ଅରେଇ ପ୍ୟାକ୍ସରେ ଧାନ କିଣାରେ ଅନିୟମିତତା ଓ ଚାଷୀଙ୍କୁ ଶୋଷଣ ପ୍ରତିବାଦରେ ଆଜି ରାତିରେ ଚାଷୀମାନେ ପ୍ରତିକ୍ରିୟାଶୀଳ ହୋଇଥିଲେ। ମୁଖ୍ୟ ରାସ୍ତା ଅବରୋଧ କରିବା ପରେ ଖବରପାଇ ପୁଲିସ ପହଞ୍ଚି ବୁଝାସୁଝା କରିଥିଲା। ଆସନ୍ତାକାଲି ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେବାରୁ ଚାଷୀମାନେ ଆନ୍ଦୋଳନରୁ ଓହରିଥିଲେ।