ମେଡିକାଲ ବେଡ଼ରେ ବାପା, ଚେନ୍ନାଇରେ ଫସିଯାଇଛି ପୁଅ, ଭାଇକୁ ବିମାନରେ ଟିକଟ ଖଣ୍ଡେ ଦେବାକୁ ଭଉଣୀର ଆକୁଳ ନିବେଦନ

ଭୁବନେଶ୍ୱର: ମେଡିକାଲ ଆଇସିୟୁରେ ଗୁରୁତର ଅବସ୍ଥାରେ ଭର୍ତ୍ତି ହୋଇଛନ୍ତି ବାପା, ଆଉ ବାପାଙ୍କ ପାଖକୁ ପୁଅ ଆସିବାକୁ ସମସ୍ତ ପ୍ରୟାସ କଲା ପରେ ବି ମିଳିପାରୁନି ଟିକେଟ | ଶେଷରେ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ ଆକୁଳ ନିବେଦନ କରିଛନ୍ତି ପୁଅ ମହେଶ ପ୍ରଧାନ | ଚେନ୍ନାଇରେ ରହୁଥିବା ମହେଶ ପ୍ରଧାନ ଜାଣିବାକୁ ପାଇଥିଲେ ଯେ ତାଙ୍କ ବାପା ଆଜି ଭୋର ୩ଟା ବେଳେ ଗୁରୁତର ଅବସ୍ଥାରେ ଭୁବନେଶ୍ୱର ସ୍ଥିତ ଆମ୍ରି ହସ୍ପିଟାଲରେ ଭର୍ତ୍ତି ହୋଇଛନ୍ତି | ତେବେ ଭୁବନେଶ୍ୱରରେ ନିଜ ବାପା-ମାଙ୍କ ଛଡା ଆଉ କିଏ ବି ନଥିବାରୁ ମହେଶ ଚେନ୍ନାଇରୁ ଭୁବନେଶ୍ୱର ଆସିବାକୁ ସବୁପ୍ରକାର ପ୍ରୟାସ କରିଛନ୍ତି |

କିନ୍ତୁ ବିମାନରେ ଟିକେଟ ଖଣ୍ଡେ ମହେଶଙ୍କୁ ମିଳିପାରିନାହିଁ | କେନ୍ଦ୍ର ସରକାର ଆସନ୍ତା ୨୫ ତାରିଖରୁ ବିମାନ ଉଡାଣ ଉପରେ କଟକଣା ଜାରି କରିଥିବାରୁ ବିମାନ ସେବା ମଧ୍ୟ ପ୍ରଭାବିତ ହୋଇଛି | ଆଉ ଦିନକ ପରେ ବିମାନ ସେବା ବନ୍ଦ ହେବାକୁ ଥିବାବେଳେ ମହେଶ କିଭଳି ଓଡିଶା ଆସିବେ ତାହାକୁ ନେଇ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ ଆକୁଳ ନିବେଦନ କରିଛନ୍ତି |

@IndiGo6E My father got admitted to ICU today at 3am. My brother is in Chennai airport & he is unable to get a ticket. Please help us. My mother is all alone in Bhubaneswar. @Naveen_Odisha @CMO_Odisha @PMOIndia @airindiain
My brother(Mahesh Pradhan): +91 82497 64290@otvnews

— Manisha (@proudindianme2) March 24, 2020

ଅନ୍ୟପଟେ ମହେଶଙ୍କ ଭଉଣୀ ମନୀଷା ପ୍ରଧାନ ସିଙ୍ଗାପୁରରେ ରହୁଥିବାବେଳେ ତାଙ୍କ ଭାଇ କିଭଳି ଖଣ୍ଡେ ବିମାନ ଟିକଟ ପାଇବେ ଓ ଓଡିଶା ଆସିବେ ସେ ନେଇ ଟ୍ୱିଟ ମଧ୍ୟ କରିଛନ୍ତି | ଚେନ୍ନାଇରୁ ଭୁବନେଶ୍ୱରକୁ ଆସିବାକୁ ଥିବା ବିମାନରେ ଖଣ୍ଡେ ସିଟ ପାଇଁ ଆକୁଳ ନିବେଦନ କରିଛନ୍ତି ଉଭୟ ମନୀଷା ଓ ମହେଶ |

@PMOIndia @narendramodi @CMO_Odisha @Naveen_Odisha @otvnews @BBCHindi @aajtak @ZeeNews @indiatvnews
Please help us get an emergency ticket for my brother, Mahesh Pradhan from Chennai to Bhubaneswar, my father is admitted to ICU today,4 am, he is on ventilator. My mother is alone pic.twitter.com/V7bVelpSAn

— Manisha (@proudindianme2) March 24, 2020