ବାପାଙ୍କ ଗୁଳିରୁ ଅଳ୍ପକେ ବର୍ତ୍ତିଲେ ପୁଅ ଓ ପତ୍ନୀ
ରାୟଗଡ଼ : ଗଜପତି ଜିଲ୍ଲା ରାୟଗଡ଼ ବ୍ଲକ୍ କୁମୁଳିସିଂ ଗ୍ରାମରେ ପାରିବାରିକ କଳହକୁ କେନ୍ଦ୍ର କରି ସ୍ତ୍ରୀ ଓ ପୁଅ ଉପରକୁ ଗୁଳି ଚଳାଇ ଗିରଫ ହୋଇଛନ୍ତି ଜଣେ ୫୫ ବର୍ଷୀୟ ବ୍ୟକ୍ତି। ହେଲେ ସୌଭାଗ୍ୟବଶତଃ ମା’ ତରାବତୀ (୫୩) ଏବଂ ପୁଅ ଯିଖରୀୟ (୨୨) ଅଳ୍ପକେ ବର୍ତ୍ତି ଯାଇଛନ୍ତି। ଏ ନେଇ ରାୟଗଡ଼ ଥାନା ପୁଲିସ ଏକ ମାମଲା ରୁଜୁ କରିବା ସହ ଅଭିଯୁକ୍ତ ସ୍ବାମୀ ଯିହୁଦା ଘଣ୍ଟଙ୍କୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଶନିବାର ରାତିରେ ଯିହୁଦାଙ୍କ ଘରେ କୌଣସି କାରଣ ନେଇ ସ୍ତ୍ରୀ ତରାବତୀ ଓ ପୁଅ ଯିଖରୀୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ରାଗିଯାଇ ଯିହୁଦା ପତ୍ନୀ ଓ ପୁଅ ଦୁହିଁଙ୍କୁ ମାଡ଼ ମାରିଥିଲେ। ସେମାନେ ପ୍ରତିରୋଧ କରିବାରୁ ଘରେ ଥିବା ଏକ ଦେଶୀ ବନ୍ଧୁକରେ ଯିହୁଦା ସ୍ତ୍ରୀ ଓ ପୁଅ ଉପରକୁ ଗୁଳି ଚାଳନା କରିଥିଲେ। ହେଲେ ଗୁଳି ଲକ୍ଷ୍ୟଭ୍ରଷ୍ଟ ହୋଇଥିଲା, ଦୁହେଁ ଅଳ୍ପକେ ବର୍ତ୍ତି ଯାଇଥିଲେ। ଭୟରେ ମା ଏବଂ ପୁଅ ଦୁହେଁ ମିଶି ଯିହୁଦାଙ୍କୁ ଧକ୍କା ଦେଇ ଘରୁ ବାହାରି ଆସି ରାୟଗଡ଼ ଥାନାରେ ପହଞ୍ଚିଥିଲେ। ସ୍ତ୍ରୀ ଓ ପୁଅ ଏତଲା ପରେ ରାୟଗଡ଼ ପୁଲିସ ମାମଲା ରୁଜୁ କରି ଯିହୁଦାଙ୍କୁ ଗିରଫ କରିଥିଲା। ଯିହୁଦାଙ୍କଠାରୁ ଏକ ଦେଶୀ ବନ୍ଧୁକ ଓ ମାରଣାସ୍ତ୍ର ପୁଲିସ ଜବତ କରିଥିବା ଏସ୍ଆଇ କୃଷ୍ଣଚନ୍ଦ୍ର ମଲିକ ସୂଚନା ଦେଇଛନ୍ତି।