ବଜ୍ରପାତରେ ମାଛ ଧରିବାକୁ ଯାଇଥିବା ବାପ-ପୁଅଙ୍କ ପ୍ରାଣ ଗଲା
କୋରାପୁଟ: କୋରାପୁଟ ଜିଲ୍ଲା ଅନ୍ତର୍ଗତ କୁମ୍ଭାରପୁଟ ଗାଁରେ ଏକ ଅଭାବନୀୟ ଘଟଣା ଘଟିଥିବାର ସୂଚନା ମିଳିଛି । ମିଳିଥିବା ସୂଚନା ଅନୁଯାୟୀ ପ୍ରତିଦନ ଭଳି ଆଜି ଭୋର ସମୟରେ କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ ଅନ୍ତର୍ଗତ ବି. ସିଂହପୁର ଥାନା କେବିଡି ପଞ୍ଚାୟତର କୁମ୍ଭାରପୁଟ ଗାଁ ପାଖ ନଦୀକୁ ମାଛ ମାରିବାକୁ କିଛି ଲୋକ ଯାଇଥିଲେ । ସେହି ସମୟରେ ବଜ୍ରପାତ ହୋଇଥିଲା । ନଦୀକୁ ମାଛ ଧରିବାକୁ ଯାଇଥିବା ସେହି ଲୋମାନଙ୍କଭିତରୁ ଦୁଇଜଣଙ୍କର ପ୍ରାଣହାନି ଘଟିଥିବାର ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ମାଛ ଧରିବାକୁ ଯାଇଥିବା ଗୋଟିଏ ପରିବାରର ଦୁଇଜଣ ଆଘାତ ପାଇଥିଲେ । ଏଦୁହିଁଙ୍କର ବଜ୍ରପାତରେ ମୃତ୍ୟୁ ଘଟିଥିବା କୁହାଯାଉଛି । ଏହି ଦୁଇଜଣ ସଂପର୍କରେ ବାପା ଏବଂ ପୁଅ। ଏମାନେ ହେଲେ ବାପା ପୀତବାସ କୁମ୍ଭାର ଓ ପୁଅ ଉପେନ୍ଦ୍ର କୁମ୍ଭାର । ଦୁହିଁଙ୍କ ମୃତ୍ୟୁ ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ଜଣାଯାଇଛି । ଆଗରୁ ବି ଏଭଳି ଘଟଣା ଏହି ଅଞ୍ଚଳରେ ଘଟିଥିବା କୁହାଯାଉଛି।