କରୋନା ମୁକାବିଲା ପାଇଁ ରାଜ୍ୟର ପ୍ରତି ମେଡିକାଲ କଲେଜ ଓ ହସ୍ପିଟାଲକୁ ଚିଠି ଲେଖିଲେ ସ୍ୱାସ୍ଥ୍ୟ ସଚିବ
ନିଜ ମେଡିକାଲ ଅଧୀନରେ ଯାଉଥିବା ଜିଲ୍ଲା ଟିମକୁ ବୈଷୟିକ ସହାୟତା ଯୋଗାଇଦେବାକୁ ନିର୍ଦ୍ଦେଶ
କଟକ : କୋଭିଡ଼- ୧୯ ମୁକାବିଲା ପାଇଁ ରାଜ୍ୟର ପ୍ରତି ମେଡିକାଲ କଲେଜ ଓ ହସ୍ପିଟାଲକୁ ସ୍ୱତନ୍ତ୍ର ନିର୍ଦ୍ଦେଶନମା ଜାରି କରିଛନ୍ତି ସ୍ୱାସ୍ଥ୍ୟ ସଚିବ ନିକୁଞ୍ଜ ବିହାରୀ ଧଳ। ରାଜ୍ୟର ରାଜ୍ୟର ୭ଟି ମେଡିକାଲ କଲେଜର ଡିନ୍, ଅଧ୍ୟକ୍ଷ ଓ ଅଧୀକ୍ଷକମାନଙ୍କୁ ଚିଠି ଲେଖି ସେମାନେଙ୍କ ଅଧୀନରେ ଯାଉଥିବା ପ୍ରତି ଜିଲ୍ଲା ସର୍ଭିଲାନ୍ସ ୟୁନିଟ ଓ ରାପିଡ଼ ରେସ୍ପନ୍ସ ଟିମକୁ ବୈଷୟିକ ସହାୟତା ଯୋଗାଇଦେବାକୁ ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସିଭିୟର ଆକ୍ୟୁଟ ରେସ୍ପିରୋଟାରି ସଂକ୍ରମଣ, ଇନଫ୍ଲୁଏଞ୍ଜା ଓ ସାଧାରଣ ଫ୍ଲୁ ଜନିତ ଅସୁସ୍ଥତା, କରୋନା ଚିହ୍ନଟ ଲୋକଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଚିହ୍ନଟ କରିବା ପ୍ରକ୍ରିୟାରେ ସହଯୋଗ କରିବାକୁ ଚିଠିରେ ନିର୍ଦ୍ଦେଶ ଦିଆଯାଇଛି।
କଟକ ବଡ଼ ଡାକ୍ତରଖାନା ଅଧୀନରେ କଟକ, ଢେଙ୍କାନାଳ, ଯାଜପୁର, ଜଗତସିଂହପୁର, କେନ୍ଦ୍ରାପଡା, ଖୋର୍ଦ୍ଧା, ନୟାଗଡ଼ ଓ ପୁରୀ ଜିଲ୍ଲା ଯାଉଥିବାରୁ ସେହି ଜିଲ୍ଲା ମେଡିକାଲଗୁଡିକୁ ସହାୟତା ଦେବା ପାଇଁ ନିର୍ଦ୍ଦେଶ ଦେଇଛନ୍ତି। ସେହିପରି ଏମ୍କେସିଜି ବ୍ରହ୍ମପୁର ଅଧୀନରେ ଯାଉଥିବା ବୌଦ୍ଧ, ଗଞ୍ଜାମ, ଗଜପତି କନ୍ଧମାଳ, ଭୀମସାର ବୁର୍ଲା ଅଧୀନରେ ଅନୁଗୁଳ, ବରଗଡ଼, ଦେବଗଡ଼, ଝାରସୁଗୁଡ଼ା, ସମ୍ବଲପୁର ଓ ସୁନ୍ଦରଗଡ଼ ଜିଲ୍ଲା, କୋରାପୁଟ ମେଡିକାଲ କଲେଜ ଅଧୀନରେ ମାଲକାନଗିରି, କୋରାପୁଟ, ନବରଙ୍ଗପୁର ଓ ରାୟଗଡ଼ା, ବାରିପଦା ମେଡିକାଲ କଲେଜ ଅଧୀନରେ କେନ୍ଦୁଝର ଓ ମୟୂରଭଞ୍ଜ, ବାଲେଶ୍ବର ମେଡିକାଲ କଲେଜ ଅଧୀନରେ ଭଦ୍ରକ ଓ ବାଲେଶ୍ବର, ବଲାଙ୍ଗୀର ମେଡିକାଲ କଲେଜ ଅଧୀନରେ କଳାହାଣ୍ଡି, ବଲାଙ୍ଗୀର, ନୂଆପଡା ଓ ସୋନପୁର ଜିଲ୍ଲା ଯାଉଛି। ସେହି ଜିଲ୍ଲା ମେଡିକାଲଗୁଡିକୁ ବୈଷୟିକ ସହାୟତା ଯୋଗାଇଦେବାକୁ ସ୍ୱାସ୍ଥ୍ୟସଚିବ ନିକୁଞ୍ଜ ବିହାରୀ ଧଳ ରାଜ୍ୟର ସମସ୍ତ ମେଡିକାଲ କଲେଜର ଡିନ୍, ଅଧ୍ୟକ୍ଷ ଓ ଅଧୀକ୍ଷକମାନଙ୍କୁ ନିର୍ଦ୍ଦେଶନାମା ଜାରି କରିଛନ୍ତି।