ପଶ୍ଚିମ ଓଡ଼ିଶାର ସଂସ୍କୃତିକୁ ନେଇ ତିଆରି ହୋଇଥିବା ସିନେମା ‘ଘୁବୁକୁଡ଼ୁ’ ଅନ୍ତର୍ଜାତୀୟ ସ୍ତରରେ ପ୍ରଦର୍ଶନ ଲାଗି ମନୋନୀତ
ସମ୍ବଲପୁର : ପଶ୍ଚିମ ଓଡ଼ିଶାର ସଂସ୍କୃତିକୁ ନେଇ ତିଆରି ହୋଇଥିବା ସିନେମା ‘ଘୁବୁକୁଡୁ’ ଅନ୍ତର୍ଜାତୀୟ ସ୍ତରରେ ଫାଷ୍ଟ ଟାଇମ୍ ଫିଲ୍ମ ମେକର ସେସନ (ୟୁ.କେ.) ଓ ସର୍ଟ ଲଙ୍ଗ୍ ୱାର୍ଲଡ ଫେଷ୍ଟିଭାଲ (ଆର୍ଜେଣ୍ଟିନା) ଦ୍ବାରା ମନୋନୀତ ହୋଇଛି। ସୁଶାନ୍ତ ପଣ୍ଡାଙ୍କ ରଚିତ ଓ ନିର୍ଦ୍ଦେଶିତ ତଥା ୱାଇ-ଷ୍ଟାର ସିନେ ଓ ଟେଲିଭିଜନ ନିବେଦିତ ‘ଘୁବୁକୁଡୁ’ରେ କିଛି ପାରମ୍ପରିକ କଳାକାରଙ୍କ ଜୀବନର ସଂଘର୍ଷକୁ ନିଖୁଣ ଭାବେ ଉପସ୍ଥାପନା କରାଯାଇଛି। ଏକ ନିର୍ଦ୍ଦିଷ୍ଟ ସଂପ୍ରଦାୟର ଲୋକେ, ଯେଉଁମାନଙ୍କର କି ଅନ୍ୟ କିଛି ସ୍ବପ୍ନ ନ ଥାଏ; କେବଳ ପେଟକୁ ଦାନା ଗଣ୍ଡାଏ ଯୋଗାଇବା ପାଇଁ ଜୀବନ-ମରଣ ଦୋଛକିରେ ପାରଂପରିକ କଳା ପ୍ରଦର୍ଶନ କରି କିପରି ବଂଚି ରହିବା ପାଇଁ ସଂଘର୍ଷ କରୁଛନ୍ତି ଘୁବୁକୁଡୁରେ ତାହା ଅତ୍ୟନ୍ତ କରୁଣ ଭାବରେ ପ୍ରଦର୍ଶିତ ହୋଇଛି। ଏଥିରେ ପବିତ୍ର ଡନସନା, ଡେଜିନା ବେହେରା, ଶ୍ରୀଜିତ ଶୁଭଙ୍କର ରାୟଗୁରୁ ପ୍ରମୁଖ ଅଭିନୟ କରିଛନ୍ତି।