ୟୁଜି ଓ ପିଜି ଫାଇନାଲ୍ ସେମିଷ୍ଟର ପରୀକ୍ଷା ଅବଧି ବଢ଼ାଇବାକୁ ୟୁଜିସିକୁ ଚିଠି ଲେଖିଲେ ରାଜ୍ୟ ସରକାର
ଭୁବନେଶ୍ୱର: ୟୁଜି ଓ ପିଜି ଫାଇନାଲ୍ ସେମିଷ୍ଟର ପରୀକ୍ଷା ସମାପନ ସମୟ ସୀମାକୁ ବୃଦ୍ଧି କରିବାକୁ ବିଶ୍ୱବିଦ୍ୟାଳୟ ମଞ୍ଜୁରି କମିସନ (ୟୁଜିସି)କୁ ଉଚ୍ଚ ଶିକ୍ଷା ବିଭାଗ ଚିଠି ଲେଖିଛି। ଏହି ସବୁ ପରୀକ୍ଷା ଶେଷ ଲାଗି ସମୟସୀମା ଅକ୍ଟୋବର ୧୦କୁ ବୃଦ୍ଧି ରାଜ୍ୟ ସରକାର ୟୁଜିସିକୁ ଅନୁରୋଧ କରିଛନ୍ତି। ପରୀକ୍ଷା ମଝିରେ ଅତି କମ୍ରେ ଦିନକର ବ୍ୟବଧାନ ରଖିବାକୁ ପ୍ରସ୍ତାବ ଦିଆଯାଇଛି। ଏହା ଦ୍ୱାରା ପରୀକ୍ଷା କେନ୍ଦ୍ରଗୁଡିକୁ ସଠିକ୍ ଭାବେ ପରିଷ୍କାର ପରିଚ୍ଛନ୍ନ କରି ରଖାଯାଇ ପାରିବ ଏବଂ ଉପଯୁକ୍ତ ଭାବେ ସାନିଟାଇଜ୍ ହୋଇପାରିବ। ଉଲ୍ଲେଖଯୋଗ୍ୟ, ସେପ୍ଟେମ୍ବର ୩୦ ମଧ୍ୟରେ ଏହିସବୁ ପରୀକ୍ଷା ଶେଷ କରିବାକୁ ୟୁଜିସି ପକ୍ଷରୁ ବିଜ୍ଞପ୍ତି ଜାରି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
State Government today requested UGC to extend the deadline of 30th Sep, for completion of all UG & PG final semester/year exams, till 10th Oct. This will ensure scheduling of exams with at least one day gap so that exam centres can be sanitized properly.
— ଉଚ୍ଚଶିକ୍ଷା ବିଭାଗ, ଓଡିଶା ସରକାର 🇮🇳 (@DHE_Odisha) September 2, 2020
ଫାଇନାଲ ପରୀକ୍ଷା ସେପ୍ଟେମ୍ବର ୨୦ରୁ ଅକ୍ଟୋବର ୧୦ ତାରିଖ ମଧ୍ୟରେ ହେବ। ସେହିପରି ପରୀକ୍ଷା ଫଳ ଅକ୍ଟୋବର ୩୧ ସୁଦ୍ଧା ପ୍ରକାଶ ପାଇବ ବୋଲି କୁହାଯାଉଛି। ତେବେ କୋଭିଡ ସ୍ଥିତି ଓ ପ୍ରସ୍ତୁତିକୁ ଦୃଷ୍ଟିରେ ରଖି ଅଧିକ ସମୟ ଦେବାକୁ ଚିଠିରେ ଉଲ୍ଲେଖ ରହିଛି।