ଅନ୍ଲାଇନ୍ରେ ମହାପ୍ରସାଦ ବିକ୍ରି, ଆମାଜନ୍ ନାଁ’ରେ ସେବାୟତଙ୍କ ଏତଲା
ପୁରୀ : ଅନ୍ଲାଇନ୍ ସପିଂ ସାଇଟ୍ ଆମାଜନ୍ ନାଁ’ରେ ସଂଘାତିକ ଅଭିଯୋଗ ଆସିଛି। ଆମାଜନ୍ ନିଜ ଅନ୍ଲାଇନ୍ ସପିଂ ସାଇଟ୍ରେ ନିର୍ମାଲ୍ୟ ପ୍ରସାଦ ବିକ୍ରି କରୁଥିବା ଦେଖିବାକୁ ମିଳିଛି। ଏ ସଂପର୍କରେ ଆଜି ଜନୈକ ସେବାୟତ ସିଂହଦ୍ବାର ଥାନାରେ ଅଭିଯୋଗ କରିବା ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଆମାଜନ୍ ନିଜ ସପିଂ ସାଇଟ୍ରେ ନିର୍ମାଲ୍ୟ ବିକ୍ରି କରୁଥିବା ଦେଖିବାକୁ ମିଳିଛି। ଯେଉଁଥିରେ ମହାପ୍ରଭୁ ଶ୍ରୀଜଗନ୍ନାଥ ଓ ପୁରୀ ଶ୍ରୀମନ୍ଦିର ନାଁ’ ସ୍ପଷ୍ଟ ଉଲ୍ଲେଖ ରହିଛି। ନିର୍ମାଲ୍ୟର ଦର ବି ଭିନ୍ନ ରହିଛି। ଆମାଜନ୍ ଏହାକୁ ୫ ଶହ ଟଙ୍କାରୁ ୭୦୦ ଟଙ୍କା ଦରରେ ବିକ୍ରି କରୁଛି। ଏହି ଘଟଣା ଜଣାପଡ଼ିବା ପରେ ସେବାୟତ ଶମ୍ଭୁନାଥ ଖୁଣ୍ଟିଆ ଆଜି ସିଂହଦ୍ବାର ଥାନାରେ ଏ ସଂପର୍କରେ ଲିଖିତ ଅଭିଯୋଗ କରିବା ସହ ଆମାଜନ୍ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।