ଓଟିଇଟି ପ୍ରଶ୍ନପତ୍ର ଲିକ୍ ମାମଲା: କଟକ ମଙ୍ଗଳାବାଗ ଥାନାରେ ମାମଲା ରୁଜୁ
ଭୁବନେଶ୍ୱର: ଦୁଇ ଦିନ ତଳେ ଓଟିଇଟି ପ୍ରଶ୍ନପତ୍ର ଲିକ୍ ମାମଲାରେ ବୋର୍ଡ ଶୁକ୍ରବାର କଟକ ଜିଲ୍ଲାର ମଙ୍ଗଳାବାଗ ଥାନାରେ ଏତଲା ଦେଇଛି। ବୋର୍ଡର ସଭାପତି ଜାହାନ ଆରା ବେଗମ ଜାନୁଆରି ୧୬ ତାରିଖରେ ପ୍ରଶ୍ନପତ୍ର ଲିକ୍ ମାମଲାରେ ଏତଲା ଦେଇଛନ୍ତି। ଘଟଣା ଦିନ ପରୀକ୍ଷା ବାତିଲ କରି ଦିଆଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଘଟଣାର ତଦନ୍ତ ହେବ ବୋଲି ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର ବୁଧବାର ସୂଚନା ଦେଇଛନ୍ତି। ମନ୍ତ୍ରୀ ପାତ୍ର କହିଛନ୍ତି, ବିଭାଗୀୟ ତଦନ୍ତ ହେବା ପରେ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ। ପରୀକ୍ଷାର୍ଥୀମାନେ ନିରାଶ ହୁଅନ୍ତୁ ନାହିଁ। ପୁଣି ଥରେ ଓଟିଇଟି ପରୀକ୍ଷା ହେବ ବୋଲି ପାତ୍ର କହିଛନ୍ତି। ପରୀକ୍ଷାର୍ଥୀମାନେ ମନୋବଳଙ୍କୁ କମ ନକରିବା ପାଇଁ ମନ୍ତ୍ରୀ ପରାମର୍ଶ ଦେଇଛନ୍ତି।
ଆଜି ଓଟିଇଟି ପ୍ରଶ୍ନପତ୍ର ଲିକ୍ ହେବା ପରେ ଘଟଣାର ତଦନ୍ତ ଲାଗି ମାଧ୍ୟମିକ ଶିକ୍ଷା ବୋର୍ଡ କ୍ରାଇମ୍ବ୍ରାଞ୍ଚକୁ ଚିଠି ଲେଖିଥିବା ଜଣାପଡ଼ିଛି। ପ୍ରଥମ ସିଟିଂ ପ୍ରଶ୍ନପତ୍ର ଲିକ୍ ପରେ ଓଟିଇଟି ପରୀକ୍ଷା ବାତିଲ କରାଯାଇଥିଲା। ମାଧ୍ୟମିକ ଶିକ୍ଷା ବୋର୍ଡର ସଂପାଦକ ରାମାଶିଷ ହାଜରାଙ୍କ ସୂଚନା ଅନୁସାରେ ଘଟଣାର ତଦନ୍ତ ପାଇଁ କ୍ରାଇମବ୍ରାଞ୍ଚକୁ ଚିଠି ଲେଖାଯାଇଛି।
ଓଟିଇଟି ପ୍ରଶ୍ନପତ୍ର ଲିକ ମାମଲାରେ ଗଣଶିକ୍ଷା ମନ୍ତ୍ରୀ ବଦ୍ରି ପାତ୍ରଙ୍କ ସରକାରୀ ବାସଭବନ ଆଗରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର କର୍ମୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି। ଭିଡ ଓ ହିଂସାକୁ ଦୃଷ୍ଟିରେ ପୁଲିସ ହସ୍ତକ୍ଷେପ କରିବା ପରେ ଉଭୟଙ୍କ ମଧ୍ୟରେ ଧସ୍ତାଧସ୍ତି ହୋଇଛି। ଏହି ଘଟଣାରେ ପୁଲିସ ଏବିଭିପିର ୨୦ ଜଣ କର୍ମୀଙ୍କୁ ଅଟକ ରଖିଛି।