ପାଳ ବୋଝେଇ ଟ୍ରାକ୍ଟରରେ ଲାଗିଲା ନିଆଁ
ବୀରମହାରାଜପୁର: ବୀରମହାରାଜପୁର-ରେଢ଼ାଖୋଲ ରାସ୍ତାର କମିରା ଛକ ନିକଟରେ ଶନିବାର ଏକ ପାଳ ବୋଝେଇ ଟ୍ରାକ୍ଟରରେ ନିଆଁ ଲାଗି ଯାଇଥିବା ବେଳେ ଚାଳକ ଜଣକ ଅଳ୍ପକେ ବର୍ତ୍ତି ଯାଇଛନ୍ତି। ସୂଚନାନୁସାରେ, ଆଜି ପୂର୍ବାହ୍ନରେ କମିରା ଛକ ନିକଟରେ ଏକ ଟ୍ରାକ୍ଟର ପାଳ ବୋଝେଇ କରି ଯାଉଥିବା ବେଳେ କୌଣସି କାରଣରୁ ପାଳରେ ନିଆଁ ଲାଗିଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଏହା ଜାଣି ପାରି ଚାଳକ ଜଣକ ତୁରନ୍ତ ଟ୍ରାକ୍ଟରରୁ ଡାଲାକୁ ଅଲଗା କରିବା ସହ ନିଜକୁ ସୁରକ୍ଷିତ କରି ନିଶ୍ଚିତ ବିପଦରୁ ରକ୍ଷା ପାଇ ଯାଇଥିଲେ। ଖବର ପାଇ ବୀରମହାରାଜପୁର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ।