ଗ୍ୟାସ ଗୋଦାମରେ ଅଗ୍ନିକାଣ୍ଡ

ଅନୁଗୁଳ : ସହର ଉପକଣ୍ଠ ଭଣ୍ଡୁବର ନିକଟରେ ଥିବା ଏକ ଏଲପିଜି ଗ୍ୟାସ ଗୋଦାମରେ ଭୟାବହ ଅଗ୍ନିକାଣ୍ଡ ହେଇଛି। ବିଳମ୍ବିତ ରାତିରେ କୌଣସି କାରଣରୁ ନିଆଁ ଲାଗିଥିଲାବେଳେ ବହୁ ଗ୍ୟାସ ସିଲିଣ୍ଡର ଫାଟିଛି। ଏଥିପାଇଁ ବ୍ୟାପକ କ୍ଷୟକ୍ଷତି ହେଇଥିବା ଆଶଙ୍କା କରାଯାଉଛି।

ଅନୁଗୁଳ ଅଗ୍ନିଶମ ବାହିନୀ ପହଁଚି ନିଆଁକୁ ଆୟତ କରିବାକୁ ଚେଷ୍ଟା କରୁଥିଲେ ମଧ୍ୟ ରିପୋର୍ଟ ଲେଖାଯିବା ପର୍ଯ୍ୟନ୍ତ ଏହା ସମ୍ଭବ ହେଇନି। ନିଆଁ ଲିଭିବା ପରେ ପ୍ରକୃତ କ୍ଷୟକ୍ଷତି ଜଣାପଡିବ। ଅପରପକ୍ଷରେ ଏହି ଅଗ୍ନିକାଣ୍ଡ ପାଇଁ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି। ସିଲିଣ୍ଡର ବିସ୍ଫୋରଣ ହେଉଥିବାରୁ ଲୋକେ ଭୟଭୀତ ହେଇ ପଡିଛନ୍ତି।