ନିଆଁରେ ପୋଡି ହୋଇ ଜଣେ ମହିଳା ଗୁରୁତର

ରାଉରକେଲା: ବନ୍ଧମୁଣ୍ଡା ଡି କେବିନ୍‌ରେ ଲାଗିଥିବା ନିଆଁରେ ପୋଡି ହୋଇ ଜଣେ ମହିଳା ଗୁରୁତର ହୋଇଛନ୍ତି। ଗୁରୁତର ମହିଳା ଜଣକ ହେଲେ ସାବିତ୍ରୀ ଜେନା (୩୩)। ତାଙ୍କ ଶରୀର ପ୍ରାୟ ୫୦% ଜଳି ଯାଇଥିବା ଜଣାପଡିଛି।

ଚିକିତ୍ସା ପାଇଁ ତାଙ୍କୁ ରାଊରକେଲା ସରକାରୀ ହସ୍ପିଟାଲ (ଆର୍‌ଜିଏଚ୍‌)ରେ ଭର୍ତ୍ତି କରାଯାଇଛି। ମହିଳାଙ୍କ ଦେହରେ କେମିତି ନିଆଁ ଲାଗିଲା, ତାହା ଜଣାପଡି ନାହିଁ। ଆଜି ରାତି ପ୍ରାୟ ସାଢ଼େ ୮ଟାରେ ବନ୍ଦ ଘରେ ସାବିତ୍ରୀ ଚିତ୍କାର କରୁଥିବା ଶୁଣି ପଡୋଶୀ ପହଞ୍ଚି ତାଙ୍କୁ ଉଦ୍ଧାର କରିବା ସହ ହସ୍ପିଟାଲକୁ ପଠାଇଥିଲେ। ଏ ନେଇ ଖବର ପାଇ ବନ୍ଧମୁଣ୍ଡା ପୁଲିସ ପହଞ୍ଚି ଘଟଣାର ତଦନ୍ତ ଚଳାଇଛି।