ଭଦ୍ରକ: ହାଓଡ଼ାରୁ ବିଶାଖାପାଟଣା ଯାଉଥିବା ସାଲିମାର୍‌ ଏକ୍ସପ୍ରେସ୍‌ (୨୨୮୫୩)ରେ ଆଜି ରାତି ପ୍ରାୟ ୧୧ଟା ୫ରେ ନିଆଁ ଲାଗି ଯାଇଥିଲା। ଟ୍ରେନ୍‌ଟି ଭଦ୍ରକ ଷ୍ଟେସନ୍‌ ଅତିକ୍ରମ କରୁଥିବା ବେଳେ ଏହି ଅଘଟଣ ଘଟିଥିଲା। ଏସ୍‌-୧ ଓ ଏସ୍‌-୨ ବଗିରୁ ଧୂଆଁ ବାହାରିବା ସହ ନିଆଁ ଜଳିଥିଲା। ଲୋକୋ ପାଇଲଟ୍‌ ଟ୍ରେନ୍‌ ଅଟକାଇ ​ଯାଞ୍ଚ କରିବାରୁ ଜଣାଯାଇଥିଲା ଯେ ବଗିର ଚକ ଜାମ୍‌ ହୋଇଯାଇଥିବାରୁ ଏହି ଅଘଟଣ ଘଟିଥିଲା। ପରେ ଟ୍ରେନ୍‌ଟି ପ୍ରାୟ ଅଧଘଣ୍ଟା ବିଳମ୍ବରେ ଗନ୍ତବ୍ୟସ୍ଥଳକୁ ଯାତ୍ରାରମ୍ଭ କରିଥିଲା।