କଟା ବିଲରେ ନିଆଁ ଲାଗିଲା

ପଦ୍ମପୁର: କେନ୍ଦୁଝର ସଦର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚାୟତ କେନ୍ଦୁପୋଶି ନିକଟବର୍ତ୍ତି ବିଲରେ ନିଆଁଲାଗି ୧ କିଲୋମିଟର ପର୍ଯ୍ୟନ୍ତ ନିଆଁ ପ୍ରଭାବିତ ହୋଇଥିଲା। କୌଣସି ଦୁର୍ବୃତ୍ତ ବିଲରେ ପଡ଼ିଥିବା ନଡ଼ାରେ ନିଆଁ ଲଗାଇଦେବାରୁ କେନ୍ଦୁପୋଶି ବିଲ ଦେଇ ନରସିଂହପୁର ରାସ୍ତାକଡ଼ରେ ଥିବା ବ୍ରଏଲର ଦୋକାନ ପର୍ଯ୍ୟନ୍ତ ନିଆଁ ବ୍ୟାପି ଯାଇଥିଲା। ଖବର ପାଇ କେନ୍ଦୁଝର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଦୀର୍ଘ ଦୁଇଘଣ୍ଟା ପରିଶ୍ରମ କରିବା ପରେ ନିଆଁକୁ ଆୟତ୍ତ କରିପାରିଥିଲେ।

କେନ୍ଦୁପୋଶି ଗ୍ରାମର ୱାର୍ଡସଭ୍ୟ ଦୁର୍ଯ୍ୟୋଧନ ପାତ୍ର, ଲକ୍ଷ୍ମଣ କୁମାର ପାତ୍ର, ପ୍ରତାପ ପାତ୍ର, ଲୋମ୍ବଧର ପାତ୍ର, ମଙ୍ଗୁଳୁ ଚରଣ ପାତ୍ର, ଦ୍ରୁବ ଚରଣ ପାତ୍ର, ସୁବର୍ଣ୍ଣ ଦେହୁରୀ, ପ୍ରଶ୍ନ ହେମ୍ବ୍ରମ, ଗୈାତମ ପାତ୍ର ପ୍ରମୁଖ ଅଗ୍ନିଶମ କର୍ମଚାରୀଙ୍କୁ ସହଯୋଗ କରିଥିଲେ।