ଅଗ୍ନିଶମ କର୍ମଚାରୀଙ୍କୁ ମିଳିବ ପୋଷାକ ଭତ୍ତା
କଟକ : ରାଜ୍ୟର ଅଗ୍ନିଶମ ବିଭାଗ କର୍ମଚାରୀଙ୍କ ପାଇଁ ପୋଷାକ ଭତ୍ତା ପ୍ରଦାନ କରିବା ପ୍ରସ୍ତାବକୁ ରାଜ୍ୟ ସରକାର ଗ୍ରହଣ କରିଛନ୍ତି। ବର୍ଷକୁ ଜଣେ କର୍ମଚାରୀଙ୍କୁ ପୋଷାକ ଓ ଅନ୍ୟ ଆନୁସଙ୍ଗିକ ଜିନିଷ କିଣିବାକୁ ୫୭୦୦ ଟଙ୍କା ଦିଆଯିବ ବୋଲି ନିଷ୍ପତ୍ତି ହୋଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ସହକାରୀ ଅଗ୍ନିଶମ ଅଧିକାରୀ, ଷ୍ଟେସନ ଅଫିସର, ଫିଟର ଷ୍ଟେସନ ଅଫିସର, ଆସିଷ୍ଟାଣ୍ଟ୍ ଷ୍ଟେସନ ଅଫିସର, ହାବିଲଦାର ମେଜର, ଫାୟାରମ୍ୟାନ/ଫାୟାରମ୍ୟାନ ଡ୍ରାଇଭର ଓ ହେଲପର ଫାୟାରମ୍ୟାନଙ୍କୁ ଏହି ପରିମାଣର ଅର୍ଥାତ୍ ୫୭୦୦ ଟଙ୍କା ଲେଖାଏଁ ଭତ୍ତା ମିଳିବ। ସେହିଭଳି ଲିଡିଂ ଫାୟାରମ୍ୟାନ, ଡ୍ରାଇଭର ହାବିଲଦାର, ହାବିଲଦାର ମେକାନିକଙ୍କୁ ବର୍ଷକୁ ୫୮୦୦ ଟଙ୍କା ମିଳିବ। ବିଭାଗର ଅର୍ଡରଲିମାନଙ୍କୁ ବାର୍ଷିକ ୨୦୦୦ ଟଙ୍କା ମିଳିବ। ଏଥିପାଇଁ ୨ କୋଟି ୪୦ ହଜାର ଟଙ୍କାର ବଜେଟ୍ ହୋଇଛି। ୨୦୨୨-୨୩ ବର୍ଷ ପାଇଁ ଏହି ବଜେଟ୍ କରାଯାଇଛି। ପ୍ରତିବର୍ଷ ଜୁଲାଇ ମାସରେ କର୍ମଚାରୀଙ୍କୁ ଏହି ଭତ୍ତା ପ୍ରଦାନ କରାଯିବ। ତେବେ ୬ ମାସରୁ କମ୍ ଚାକିରି କରିଥିବା କର୍ମଚାରୀଙ୍କୁ ଏ ଭତ୍ତା ମିଳିବ ନାହିଁ ବୋଲି ରାଜ୍ୟ ଅଗ୍ନିଶମ ନିର୍ଦ୍ଦେଶାଳୟ ପକ୍ଷରୁ ସୂଚନା ଦିଆଯାଇଛି।