ନିର୍ବାଚନ ପରବର୍ତ୍ତୀ ହିଂସା: ଘର ଆଗରେ ୨ ରାଉଣ୍ଡ ଗୁଳିଚାଳନା କରି ଦୁର୍ବୃତ୍ତ ଫେରାର
ନବରଙ୍ଗପୁର: ନବରଙ୍ଗପୁର ଜିଲ୍ଲାରେ ପ୍ରଥମ ନିର୍ବାଚନ ପରବର୍ତ୍ତୀ ହିଂସା ଦେଖାଦେଇଛି। ୨ ରାଉଣ୍ଡ ଗୁଳି ଚାଳନା କରି ଫେରାର ହୋଇଯାଇଛନ୍ତି ଦୁର୍ବୃତ୍ତ। ଘଟଣାଟି ଘଟିଛି ନନ୍ଦାହାଣ୍ଡି ବ୍ଲକ ଦହଣା ଗ୍ରାମରେ। ଦହଣା ଗ୍ରାମର ଅଶ୍ବିନୀ ଦାସଙ୍କ ଘର ପଟକୁ ଲକ୍ଷ କରି ୨ ରାଉଣ୍ଡ ଫାଙ୍କା ଗୁଳି ଚାଳନା ହୋଇଛି। ଖବର ପାଇ ପାପଡାହାଣ୍ଡି ଏସଡିପିଓ ଆଦିତ୍ୟ ସେନ୍, ତେନ୍ତୁଳିଖୁଣ୍ଟି ଥାନା ଅଧିକାରୀ ଉମେଶ ଚନ୍ଦ୍ର ନାୟକ ଘଟଣାସ୍ଥଳରେ ପହଞ୍ଚି ଅଶ୍ବିନୀ ଦାସଙ୍କ ଘର ଆଗରେ ଗୋଟିଏ ଜୀବନ୍ତ ଗୁଳି, ୨ଟି ଖୋଖା ଓ ଗୋଟିଏ ଫାଇରିଂ ଟିନ୍ ଜବତ କରିଛି ପୁଲିସ।
Sambad is now on WhatsApp
Join and get latest news updates delivered to you via WhatsApp
ଥାନା ଅଧିକାରୀ ଶ୍ରୀ ନାୟକଙ୍କୁ ଆମ ପ୍ରତିନିଧି ଯୋଗାଯୋଗ କରିବାରୁ ସେ କହିଛନ୍ତି ଯେ ତାଙ୍କ ନିକଟରେ ହୋଇଥିବା ଅଭିଯୋଗ ଅନୁଯାୟୀ ଆଜି ରାତି ପ୍ରାୟ ୮.୩୦ରେ ୨ଟି ବାଇକ ଓ ଗୋଟିଏ କାରରେ ଦୁର୍ବୃତ୍ତମାନେ ଆସି ଦହଣା ଗ୍ରାମର ଅଶ୍ବିନୀ ଦାସଙ୍କ ଘର ଆଡକୁ ମୁହଁ କରି ୨ ରାଉଣ୍ଡ ଫାଇରିଂ କରି ଚାଲିଯାଇଥିଲେ। ତଦନ୍ତ ଚାଲୁ ରହିଛି। ତଦନ୍ତ ପରେ ହିଁ ସବୁକିଛି ଜଣାପଡିବ ବୋଲି କହିଛନ୍ତି । ତେବେ ରାଜନୈତିକ ସତ୍ରୁତାକୁ କେନ୍ଦ୍ର କରି ଗୁଳିକାଣ୍ଡ ଆଶଙ୍କା କରାଯାଉଛି।