କଟକ: ତାଳଦଣ୍ଡା କେନାଲରେ ଶୁକ୍ରବାର ଜଣେ ମାଛ ବ୍ୟବସାୟୀ ଭାସିଯାଇଥିବା ସନ୍ଦେହ ହୋଇଛି। ବ୍ୟବସାୟୀ ଜଣଙ୍କ ଭାସିଯାଇଥିବା ସନ୍ଦେହରେ ଅଗ୍ନିଶମ ବାହିନୀ ପକ୍ଷରୁ କେନାଲରେ ଖୋଜାଖୋଜି ଜାରି ରହିଛି। ତେବେ ବ୍ୟବସାୟୀ ଜଣକ ବେପାର ସାରି କେନାଲକୁ ଯାଇଥିବା ବେଳେ ପାଣିରେ ଭାସି ଯାଇ ନିଖୋଜ ଥିବା ସନ୍ଦେହ କରାଯାଉଛି। ଘଟଣାସ୍ଥଳରେ ମଧୁପାଟଣା ଥାନା ପୁଲିସ ପହଂଚି ତଦନ୍ତ ଆରମ୍ଭ କରିଛି। ନିଖୋଜ ବ୍ୟକ୍ତିଙ୍କୁ ଖୋଜିବା ସହଜ ହେବା ନେଇ ଯୋବ୍ରା ଆନିକଟରେ ସୁଇସ ଗେଟ ବନ୍ଦ କରାଯାଇଥିବା ସୂଚନା ରହିଛି।