ବାଇକ୍କୁ ଧକ୍କାଦେଲା ଟ୍ରକ୍; ବାପା, ମା’, ପୁଅ ସମେତ ୫ ମୃତ
ନୂଆପଡ଼ା/କୋମନା : ନୂଆପଡ଼ା ଜିଲ୍ଲା କୋମନା ୩୫୩ନଂ ଜାତୀୟ ରାଜପଥ କୃଷ୍ଣା ଛକଠାରେ ଟ୍ରକ୍ ଏବଂ ବାଇକ ମଧ୍ୟରେ ମହାଁମୁହିଁ ଧକ୍କା ଯୋଗୁ ୫ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଅଛନ୍ତି ଗୋଟିଏ ପରିବାରର ବାପା,ମା’ ଓ ଶିଶୁପୁତ୍ର। ସେମାନେ ହେଲେ; କୋମନା ଥାନା ସନବାହାଲି ଗାଁର ନୀଳ ମାଝୀ (୨୬), ନୀଳଙ୍କ ଦୁଇ ଭିଣୋଇ ଖଡ଼ିଆଳ ଥାନା ଖନତରି ଗାଁର ରମେଶ ମାଝୀ (୨୬) ଓ ଭିଣୋଇ କୋମନା ଥାନା ହାତୀସରା ଗାଁର ଭଜନ ମାଝୀ (୨୮) ଏବଂ ଭଜନଙ୍କ ପତ୍ନୀ କୁନ୍ତଳା ମାଝୀ (୨୫) ଓ ୩ ବର୍ଷର ଶିଶୁପୁତ୍ର ଦୁର୍ଜନ ମାଝୀ।
Sambad is now on WhatsApp
Join and get latest news updates delivered to you via WhatsApp
ନୀଳ ମାଝୀ ତାଙ୍କ ଭିଣୋଇ ରମେଶ ମାଝୀଙ୍କ ସହ ଭଉଣୀଘର କୋମନା ଥାନା ତରବୋଡ଼ ଫାଣ୍ତି ହାତୀସରା ଗାଁକୁ ଯାଇଥିଲେ। ସେଠାରୁ ଅପରାହ୍ନ ୩ଟାରେ ବାଇକରେ ନୀଳ, ରମେଶ, ଭଜନ, କୁନ୍ତଳା ଓ ଦୁର୍ଜନ ସନବାହାଲି ଗାଁକୁ ଫେରୁଥିଲେ। ଏହି ସମୟରେ ଖଡ଼ିଆଳ ପଟୁ ଯାଉଥିବା ଏକ ମାଲବୋଝେଇ ଟ୍ରକ୍ ସେମାନଙ୍କୁ ମୁହାଁମୁହିଁ ଧକ୍କା ଦେଇଥିଲା। ଘଟଣାସ୍ଥଳରେ ରମେଶ, ଭଜନ ଓ ନୀଳଙ୍କ ମୃ୍ତ୍ୟୁ ଘଟିଥିଲା। କୁନ୍ତଳା ଓ ତାଙ୍କ ଶିଶୁପୁତ୍ର ଦୁର୍ଜନ ଗୁରୁତର ହୋଇଥିଲେ। ଏହିସମୟରେ ନୂଆପଡ଼ା ଆର୍ଟିଓ ସେହି ରାସ୍ତା ଦେଇଯାଉଥିବା ବେଳେ ଗୁରୁତର ମା’-ପୁଅଙ୍କୁ ଉଦ୍ଧାର କରି ନିଜ ଗାଡ଼ିରେ କୋମନା ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଦୁର୍ଜନର ମୃତ୍ୟୁ ଘଟିଥିଲା। ଅ ସ୍ବାସ୍ଥ୍ୟାବସ୍ଥା ସଂକଟାପନ୍ନ ଥିବାରୁ କୁନ୍ତଳାଙ୍କୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ କୁନ୍ତଳାଙ୍କ ମୃତ୍ୟୁ ଘଟିଛି।