ପୁଣି ବନ୍ଧାହେଲେ ୫ ମହୁଲିମଦ ବେପାରୀ

୨ଶହ ଲିଟର ଦେଶୀ ମଦ, ୨୮୦ କେଜି ମହୁଲଫୁଲ, ୧୭ କ୍ବିଣ୍ଟାଲ ମହୁଲପୋଚ ଜବତ

ରାଉରକେଲାମ: ସହର ଉପକଣ୍ଠ ଅଞ୍ଚଳରେ ଆଜି ଅବକାରୀ ବିଭାଗ ପକ୍ଷରୁ ଅତର୍କିତ ଚଢ଼ଉ କରାଯାଇଛି। ଦେଶୀ ମହୁଲି ମଦ ତିଆରି ଓ ଚୋରାଚାଲାଣ କରୁଥିବା ୫ ଜଣ ଅଭିଯୁକ୍ତଙ୍କୁ ଗିରଫକରି କୋର୍ଟଚାଲାଣ କରାଯାଇଥିବାବେଳେ ଜଣେ ଅଭିଯୁକ୍ତକୁ ନୋଟିସ୍‌ ଦିଆଯାଇଛି।

ଗିରଫ ଅଭିଯୁକ୍ତମାନେ ହେଉଛନ୍ତି କୁକୁଡ଼ା ଗେଟ୍‌ର ସାଜିଦ ଅନସାରୀ(୩୨), ଝିରପାଣିର ତିରୁପତି ଭୋଇନା(୨୪), ନୁରାଜ ଲୋହାର(୩୦), ତୁମରନର ପିଙ୍କି ମୁଣ୍ଡାରୀ(୩୫), ବେଲଡିହିର ମନ୍‌କୀ ଟିହୁ(୫୪) ଓ ବଲଣ୍ଡାର ସୁବାସ ତନ୍ତୀ(୩୦)। ସେମାନଙ୍କ ପାଖରୁ ୨ ଶହ ଲିଟର ବେଆଇନ ମହୁଲି ମଦ, ୨୮୦ କେଜି ମହୁଲଫୁଲ ଓ ୧୭୦୦ କେଜି ମହୁଲପୋଚ ଜବତ ହୋଇଛି।

ଏହାସହ ମଦ ଚୋରାଚାଲାଣରେ ବ୍ୟବହୃତ ଗୋଟିଏ ଅଟୋ ଓ ଗୋଟିଏ ସ୍କୁଟି ଜବତ ହୋଇଛି। ବିଭାଗ ପକ୍ଷରୁ ବଲଣ୍ଡା, ବେଲଡ଼ିହି, କୁକୁଡ଼ା, ଝିରପାଣି ଅଞ୍ଚଳରେ ସଦଳବଳ ଚଢ଼ଉ କରାଯାଇଥିଲା। ଓଆଇସି ମନୁ ଆୟେଲ ଓ ଆକାଶ ସାହୁଙ୍କ ନେତୃତ୍ବରେ ଅନୁଷ୍ଠିତ ଚଢ଼ଉରେ ବିଭାଗୀୟ କର୍ମଚାରୀ ସାମିଲଥିଲେ।