ସୋନପୁରରୁ ନାବାଳିକା ଚାଲାଣ; ଦିଲ୍ଲୀ ଓ ତାମିଲନାଡୁରୁ ୫ ଉଦ୍ଧାର
youtube.com
ସୋନପୁର : ସୁବର୍ଣ୍ଣପୁର ଜିଲ୍ଲାର ୫ ଜଣ ନାବାଳିକାକୁ ସୋନପୁର ପୁଲିସ ଅନ୍ୟ ରାଜ୍ୟରୁ ଉଦ୍ଧାର କରିଛି। ଏ ସମ୍ପର୍କରେ ଏସ୍ପି ଦେବୀ ପ୍ରସାଦ ଦାଶ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ବୀରମହାରାଜପୁର ଥାନାରେ ଗତ ଅକ୍ଟୋବର ୧୫ ତାରିଖ ଦିନ ଜଣେ ନାବାଳିକା ଦିଲ୍ଲୀକୁ ଚାଲାଣ ହୋଇଥିବା ନେଇ ଅଭିଯୋଗ ହୋଇଥିଲା। ଏ ସମ୍ପର୍କରେ ବୀରମହାରାଜପୁର ଥାନା କେସ ନଂ ୧୮୦/୨୦୧୯ ରୁଜୁ କରାଯାଇ ଘଟଣାର ତଦନ୍ତ କରାଯାଉଥିଲା। ଏହି ନାବାଳିକାକୁ ପୁଲିସ ଦିଲ୍ଲୀରୁ ଉଦ୍ଧାର କରିଛି। ସେହିପରି ବିନିକା ଥାନା କେସ୍ ନଂ ୬୭/୨୦୧୯ ତା ୧୩/୪/୨୦୧୯, ତରଭା ଥାନା କେସନଂ ୧୪୦/୨୦୧୯ ତା ୩/୧୦/୨୦୧୯, ତରଭା ଥାନା କେସ ନଂ ୧୬୭/ତା ୧୯/୧୧/୨୦୧୯, ସୋନପୁର ଥାନା କେସନଂ ୨୦୪/୮/୧୧/୨୦୧୯ ଅନୁଯାୟୀ ୪ ଜଣ ନାବାଳିକା ଅନ୍ୟତ୍ର ଚାଲି ଯାଇଥିବା ସମ୍ପର୍କରେ ଅଭିଯୋଗ ହୋଇଥିଲା। ଏହି ୪ ଜଣ ନାବାଳିକାଙ୍କୁ ମଧ୍ୟ ପୁଲିସ ତାମିଲନାଡୁରୁ ଉଦ୍ଧାର କରିଥିବା ଏସ୍ପି ଶ୍ରୀ ଦାଶ ସୂଚନା ଦେଇଛନ୍ତି।