ଲକ୍-ଡାଉନ୍ ପ୍ରଭାବ: ବହୁ ବିମାନ ଚଳାଚଳ ବାତିଲ୍
ଭୁବନେଶ୍ବର : ଓଡ଼ିଶାରେ ଜନତା କର୍ଫ୍ୟୁ ଓ ଲକ୍-ଡାଉନ୍ ପାଇଁ ଘରୋଇ ବିମାନ ସଂସ୍ଥାଗୁଡ଼ିକ ପକ୍ଷରୁ ଆସନ୍ତା ୨୯ ତାରିଖ ପର୍ଯ୍ୟନ୍ତ କିଛି ବିମାନ ଚଳାଚଳକୁ ବାତିଲ୍ କରାଯାଇଛି। ଆଜି ଗୋ-ଏୟାର୍ ପକ୍ଷରୁ ସମସ୍ତ ବିମାନ ଚଳାଚଳକୁ ବାତିଲ୍ କରାଯାଇଥିଲା। ସେହିପରି ଏୟାରଏସିଆ ଏବଂ ଭିସ୍ତାରା ପକ୍ଷରୁ ଭୁବନେଶ୍ବର-ହାଇଦ୍ରାବାଦ (ଆଇ୫-୧୫୬୮) ଏବଂ ଭୁବନେଶ୍ୱର ଦିଲ୍ଲୀ(ୟୁକେ ୭୮୬)କୁ ବାତିଲ୍ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆସନ୍ତା ୨୮ ତାରିଖ ପର୍ଯ୍ୟନ୍ତ ଇଣ୍ଡିଗୋର ୪୦ ପ୍ରତିଶତ ବିମାନ ଓଡ଼ିଶାକୁ ଚଳାଚଳ କରିବ ନାହିଁ। ୨୭୦୧/୨୨୫୬ ଦିଲ୍ଲୀ-ଭୁବନେଶ୍ୱର-ଦିଲ୍ଲୀ, ୪୧୧/୪୧୧ ବେଙ୍ଗାଲୁରୁ-ଭୁବନେଶ୍ୱର-କୋଲକାତା, ୮୨୩/୪୯୨ ବେଙ୍ଗାଲୁରୁ-ଭୁବନେଶ୍ବର-ବେଙ୍ଗାଲୁରୁ, ୫୦୩୫/୫୦୩୭ ଦିଲ୍ଲୀ-ଭୁବନେଶ୍ୱର-ଦିଲ୍ଲୀ ଏବଂ ୪୨୭/୪୩୧ ବେଙ୍ଗାଲୁରୁ-ଭୁବନେଶ୍ୱର-ବେଙ୍ଗାଲୁରୁ ବିମାନକୁ ଆସନ୍ତା ୨୮ତାରିଖ ପର୍ଯ୍ୟନ୍ତ ବାତିଲ କରାଯାଇଛି। ସେହିପରି ଏୟାର-ଇଣ୍ଡିଆର ଏଆଇ-୭୮ ଭୁବନେଶ୍ୱର-ଦିଲ୍ଲୀ, ଗୋ-ଏୟାର୍ର ଜି୮-୭୬୧ ଭୁବନେଶ୍ୱର-କୋଲକାତା ଏବଂ ଜି୮୨୪୭ ଭୁବନେଶ୍ୱର-ମୁମ୍ବାଇ ବିମାନକୁ ମଧ୍ୟ ବାତିଲ୍ କରାଯାଇଛି।