ଯାଜପୁର: ବୈତରଣୀ ନଦୀରେ ବନ୍ୟା ହେବା ଯୋଗୁ ଏବେ ଯାଜପୁର ଜିଲ୍ଲାର ଚାଷୀ ଚିନ୍ତାରେ ଅଛନ୍ତି। ମିଳିଥିବା ସୂଚନା ଅନୁଯାୟୀ, ଯାଜପୁର ଜିଲ୍ଲାର ଦଶରଥପୁର ବ୍ଲକ ବୈତରଣୀ ନଦୀ ଶାଖା କାଣୀ ନଦୀରେ ୪ଟି ସ୍ଥାନରେ ଅତଡ଼ା ଖସିଛି। ଦୁଦୁରାଅନ୍ତା ପଞ୍ଚାୟତ କଣ୍ଟାପଡ଼ାଠାରେ ୪ଟି ସ୍ଥାନରେ ନଦୀବନ୍ଧ ଧସିଯାଇଛି। ୩ଟି ସ୍ଥାନ ମଲ୍ଲିକାପୁର ଗାଁ ପାର୍ଶ୍ୱରେ ଧସିଥିବା ବେଳେ ଗୋଟିଏ କଣ୍ଟାପଡା ଗାଁ ପାର୍ଶ୍ୱକୁ ଧସିଛି। ୪ଟି ସ୍ଥାନରେ ପ୍ରାୟ ୫୦୦ ମିଟରରୁ ଅଧିକ ଧସିଯାଇଛି। ଅନ୍ୟାପକ୍ଷରେ ପୂର୍ବ ବର୍ଷ କଣ୍ଟାପଡା ଠାରେ ହୋଇଥିବା ଘାଇ ଖୋଲା ରହିଥିବାରୁ ସେହି ବାଟଦେଇ ବନ୍ୟା ଜଳ ପ୍ରବାହିତ ହେଉଛି। ଫଳରେ ଚାଷଜମିରେ ପାଣି ମାଡିଯାଇଛି। ଏଥିଲାଗି ଧାନବିଲ ନଷ୍ଟ ହେବା ସାଙ୍ଗକୁ ଚାଷ କାମରେ ବ୍ୟାଘାତ ସୃଷ୍ଟି ହୋଇଛି।
Sambad is now on WhatsApp
Join and get latest news updates delivered to you via WhatsApp
ଦିନ ଗୋଟାଏ ସୁଦ୍ଧା ଆଖୁଆପଦାଠାରେ ବୈତରଣୀ ନଦୀର ଜଳସ୍ତର ୧୭.୯୨ ରହିଛି । ବିପଦ ସଙ୍କେତର ଢ଼େର ଉପରେ ପ୍ରବାହିତ ହେଉଛି। ଏଠାରେ ବିପଦ ସଙ୍କେତ ୧୭.୮୩ ମିଟର ରହିଛି।