କାଳିଆପାଣି: ୩ ଦିନ ଧରି ଲଗାଣ ବର୍ଷା ପାଇଁ ଗତକାଲି ସଂଧ୍ୟାରୁ ଖଣିଅଞ୍ଚଳର ଡମଶାଳ ନାଳରେ ବଢ଼ି ଆସିଛି। ଯାଜପୁର-ଢେଙ୍କାନାଳ ଜିଲ୍ଲା ସୀମାନ୍ତରେ ଥିବା ଡମଶାଳ ସେତୁ ଉପରେ ୩ ରୁ ୪ ଫୁଟ୍ ଉଚ୍ଚତାରେ ପାଣିସୁଅ ପ୍ରବାହିତ ହେଉଛି। ଡମଶାଳ ଓ କଲରଙ୍ଗି ଉପର ମୁଣ୍ଡରେ ଥିବା ବହୁ ନାଳ ଓ ଝରଣାରୁ ବଢ଼ି ପାଣି ନାଳକୁ ପ୍ରବେଶ କରୁଥିବାରୁ ସେତୁ ଉପରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ୨ ଜିଲ୍ଲା ମଧ୍ୟରେ ଥିବା କଲରଙ୍ଗି-କାଠପାଳ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଉଭୟ ପାର୍ଶ୍ବରେ ଯାତ୍ରୀବାହୀ ବସ୍, ଟ୍ରକ୍, ଯାନବାହନ ଅଟକି ରହିଛି। ସେହିପରି ଅବସ୍ଥା କାଠପାଳ ପାଖ କୋଚିଲାବାଙ୍କରେ ମଧ୍ୟ ଦେଖିବାକୁ ମିଳିଛି। ଅପରପାର୍ଶ୍ବରେ ମାତ୍ର ଦେଢ଼ କିଲୋମିଟର ଦୂରରେ ଥିବା କାଠପାଳ ବଜାର ଓ ବେଦାନ୍ତ-ଫେକର କଲୋନିରେ ସାଧାରଣ ଜୀବନ ଯାତ୍ରା ପ୍ରଭାବିତ ହୋଇଛି। ଜରୁରି କାର୍ଯ୍ୟରେ କାଠପାଳ ବଜାର କିମ୍ବା ଆଖପାଖ ଗାଁଗଣ୍ଡା ଯିବାକୁ ହେଲେ ୨୦ କିଲୋମିଟର ବୁଲି ଯିବାକୁ ପଡ଼ୁଛି।