ବାଲେଶ୍ବର: ଏଫ୍ଏମ୍ କଲେଜ ଛାତ୍ରୀ ଆତ୍ମାହୁତି ଘଟଣାରେ କ୍ରାଇମ୍ବ୍ରାଞ୍ଚର ତଦନ୍ତ ପଞ୍ଚମ ଦିନରେ ପହଞ୍ଚିଛି। ଆଜି କ୍ରାଇମ୍ବ୍ରାଞ୍ଚର ୩ ଜଣିଆ ଟିମ୍ କଲେଜରେ ପହଞ୍ଚି ତଦନ୍ତ କରିଛନ୍ତି। ଅଧିକାରୀମାନେଭାରପ୍ରାପ୍ତ ଅଧ୍ୟକ୍ଷ ଫିରୋଜ ପାଢ଼ୀଙ୍କ ସହ କିଛି ଅଧ୍ୟାପକ, କର୍ମଚାରୀ ଓ ଛାତ୍ରଛାତ୍ରୀଙ୍କୁ ପଚରାଉଚରା କରିଥିବା ଜଣାପଡ଼ିଛି। ତେବେ ଗଣମାଧ୍ୟମକୁ କିଛି କହି ନାହାନ୍ତି।
ଭାରପ୍ରାପ୍ତ ଅଧ୍ୟକ୍ଷ କହିଛନ୍ତି, କ୍ରାଇମ୍ବ୍ରାଞ୍ଚକୁ ଆମେ ମଧ୍ୟ ସହଯୋଗ କରୁଛୁ। କଲେଜରେ କିପରି ସ୍ବାଭାବିକ ସ୍ଥିତି ଫେରିବ, ସେନେଇ ଉଦ୍ୟମ ହେଉଛି। ଆତ୍ମାହୁତି ଦିନଠାରୁ କଲେଜ ପରିସରରେ ଛଡ଼ାଯାଇଥିବା ୭ ସାଇକଲ୍ ମଧ୍ୟରୁ କିଛି ସାଇକଲ୍ ସଂପୃକ୍ତ ଛାତ୍ରଛାତ୍ରୀମାନେ ନେଇଯାଇଥିବା ବେଳେ ବାକି ସାଇକଲ୍ଗୁଡ଼ିକୁ ନେଇଯିବା ପାଇଁ କୁହାଯାଇଛି। ତେବେ ଯେଉଁମାନେ ସାଇକଲ୍ ନେଉଛନ୍ତି, ସେମାନଙ୍କଠାରୁ ଆବଶ୍ୟକ ପରିଚୟପତ୍ର ଓ ଅଣ୍ଡର୍ଟେକିଂ ରଖାଯାଉଛି।
Advertisment

Sambad is now on WhatsApp
Join and get latest news updates delivered to you via WhatsApp