କଟକ: ପୁଣି ଗିରଫ ହେଲେ ପୂର୍ବତନ ବିଜେଡି କର୍ପୋରେଟର ରଞ୍ଜିତା ବିଶ୍ୱାଳ
କଟକ: ବୁଧବାର ଦିନ କଟକ ମ୍ୟୁନିସିପାଲ୍ କର୍ପୋରେସନ୍ର ପୂର୍ବତନ ବିଜେଡି କର୍ପୋରେଟର୍ ରଞ୍ଜିତା ବିଶ୍ୱାଳଙ୍କୁ କମିସନରେଟ୍ ପୁଲିସ ପୁଣି ଥରେ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ଗ୍ୟାଙ୍ଗ୍ଷ୍ଟର୍ ଭ୍ରାତା ସୁଶାନ୍ତ ଏବଂ ସୁଶୀଳ ଧଳସାମନ୍ତଙ୍କ ସହ ସମ୍ପୃକ୍ତି ଅଭିଯୋଗରେ ତାଙ୍କୁ ପୂର୍ବରୁ ଗିରଫ କରାଯାଇଥିଲା।
କମିସନ୍ରେଟ୍ ପୁଲିସର ଏକ ସ୍ୱତନ୍ତ୍ର ସ୍କ୍ଵାଡ୍ ରଞ୍ଜିତାଙ୍କୁ ଗିରଫ କରି ତାଙ୍କ ଠାରୁ ଦୁଇଟି ବନ୍ଧୁକ ଜବତ କରିଛି।
କଟକ ଡିସିପି ଅଖିଳେଶ୍ୱର ସିଂହ ସୂଚନା ଦେଇଛନ୍ତି କି ଗତକାଲି ପୁଲିସ ଧଳସାମନ୍ତ ଭ୍ରାତାଙ୍କର ଜଣେ ସହଯୋଗୀଙ୍କୁ ଗିରଫ କରି ତାଙ୍କ ଠାରୁ ଗୋଟାଏ ବନ୍ଧୁକ ଜବତ କରିଥିଲେ। ପଚରା ଉଚୁରା ସମୟରେ ମିଳିଥିବା ସୂଚନା ଆଧାରରେ ପୁଲିସ ପୂର୍ବତନ କର୍ପୋରେଟର୍ଙ୍କ ଘରେ ଆଜି ଚଢ଼ାଉ କରି ତାଙ୍କୁ ଗିରଫ କରିବା ସହ ଦୁଇଟି ବନ୍ଧୁକ ଜବତ କରିଛନ୍ତି।
ଆସନ୍ତା ନିର୍ବାଚନ ସମୟରେ ଧଳସାମନ୍ତ ଭ୍ରାତାମାନେ ଅପରାଧ ଭିଆଇବାକୁ ଷଡ଼ଯନ୍ତ୍ର କରିଥିଲେ ବୋଲି ସେ କହିଛନ୍ତି।
ପୂର୍ବ ଥର ଗିରଫ ହେବା ପରେ ରଞ୍ଜିତାଙ୍କୁ ବିଜେଡିର ପ୍ରାଥମିକ ସଦସ୍ୟ ପଦରୁ ବହିଷ୍କାର କରାଯାଇଥିଲା।