ଫୁଲବାଣୀ: ଫୁଲବାଣୀର ଏକ ସ୍ୱତନ୍ତ୍ର ଭିଜିଲାନ୍ସ କୋର୍ଟ ସୋମବାର କନ୍ଧମାଳ ଜିଲ୍ଲାର ଫୁଲବାଣୀର ସରକାରୀ ଆଇଟିଆଇର ପୂର୍ବତନ ଅଧ୍ୟକ୍ଷ ସରୋଜକାନ୍ତ ରାୟଙ୍କୁ ଆୟ ବର୍ହିଭୂତ ସମ୍ପତ୍ତି (ଡିଏ) ମାମଲାରେ ତିନି ବର୍ଷ ସଶ୍ରମ କାରାଦଣ୍ଡ  ଦଣ୍ଡାଦେଶ କରିଛନ୍ତି। ବର୍ତ୍ତମାନ ଢେଙ୍କାନାଳର ସରକାରୀ ପଲିଟେକ୍ନିକ୍‌ରେ ଇଲେକ୍ଟ୍ରୋନିକ୍ସରେ ଅଧ୍ୟାପକ ଭାବରେ କାର୍ଯ୍ୟରତ ରାୟଙ୍କୁ କୋର୍ଟ  ୫୦ ହଜାର ଟଙ୍କା ଜରିମାନା ମଧ୍ୟ କରିଛନ୍ତି।

Advertisment

ଓଡ଼ିଶା ଭିଜିଲାନ୍ସ ଦ୍ୱାରା ଦାଖଲ ହୋଇଥିବା ଏକ ଚାର୍ଜସିଟ୍ ପରେ ରାୟଙ୍କୁ ଦୁର୍ନୀତି ନିବାରଣ ଆଇନ, ୧୯୮୮ର ଧାରା ୧୩(୨) ସହିତ ପଠିତ ଧାରା ୧୩(୧)(ଇ) ଏବଂ ଭାରତୀୟ ଦଣ୍ଡ ସଂହିତାର ଧାରା ୧୦୯ ଅନୁଯାୟୀ ଦୋଷୀ ସାବ୍ୟସ୍ତ କରାଯାଇଥିଲା।

ଦୋଷୀ ସାବ୍ୟସ୍ତ ହେବା ପରେ, ଓଡ଼ିଶା ଭିଜିଲାନ୍ସ ଘୋଷଣା କରିଛି ଯେ, ସରକାରୀ ଚାକିରିରୁ ରାୟଙ୍କୁ ବହିଷ୍କାର ପ୍ରକ୍ରିୟା ଆରମ୍ଭ କରିବା ପାଇଁ ସକ୍ଷମ କର୍ତ୍ତୃପକ୍ଷଙ୍କ ନିକଟରେ ଆବେଦନ କରାଯିବ।

ସରୋଜକାନ୍ତ  ରାୟ ଫୁଲବାଣୀର ସରକାରୀ ଆଇଟିଆଇର ଅଧ୍ୟକ୍ଷ ଥିବା ସମୟରେ ତାଙ୍କ ଆୟର ଜ୍ଞାତ ଉତ୍ସଠାରୁ ଅଧିକ ସମ୍ପତ୍ତି ଥିବା ଜଣାପଡ଼ିଥିଲା। ଯାହା ଫଳରେ ଭିଜିଲାନ୍ସ ତଦନ୍ତ ଆରମ୍ଭ ହୋଇଥିଲା ଏବଂ ତାଙ୍କୁ ଦୋଷୀ ସାବ୍ୟସ୍ତ କରାଯାଇଥିଲା।

Kandhamal | Crime