ସତ୍‌ସାହସ ରଖି ଆଗକୁ ବଢ଼: କେନ୍ଦ୍ରମନ୍ତ୍ରୀ

ରାଉରକେଲା: ‘ଛାତ୍ରଛାତ୍ରୀ ବଡ଼ବଡ଼ ସ୍ବପ୍ନ ଦେଖନ୍ତୁ। ତେବେ ସ୍ବପ୍ନ ପୂରଣ କରିବାକୁ ନିଷ୍ଠାପର ଓ ଶୃଙ୍ଖଳିତ ଅଧ୍ୟବସାୟ ଜରୁରୀ। କୌଣସି ବି ପରିସ୍ଥିତିରେ ଧୈର୍ଯ୍ୟହରା ହେବା ଅନୁଚିତ। ସତ୍‌ସାହସ ରଖି ଆଗକୁ ବଢ଼ିବା ହିଁ ଏକାନ୍ତ ଆବଶ୍ୟକ। ଜଣେ ଟେକ୍ନୋକ୍ରାଟ୍‌ ସବୁ କିଛି କରିବାର ସାମର୍ଥ୍ୟ ରଖିଥାଏ। ଏଣୁ ନିଜର କଳାକୌଶଳ, ମେଧାର ସଦୁପଯୋଗକରି ନିଜ ନିଜ କ୍ଷେତ୍ରରେ ସଫଳ ହୁଅନ୍ତୁ। ବିଜୁ ପଟ୍ଟନାୟକ ବୈଷୟିକ ବିଶ୍ବବିଦ୍ୟାଳୟର ୨୩ତମ ପ୍ରତିଷ୍ଠା ଦିବସରେ ଏଭଳିଭାବେ ଛାତ୍ରଛାତ୍ରୀଙ୍କୁ ଉତ୍ସାହିତ କରିଛନ୍ତି କେନ୍ଦ୍ର ଆଦିବାସୀ କଲ୍ୟାଣ ମନ୍ତ୍ରୀ ଜୁଏଲ ଓରାମ।