ରେଳ ଐତିହ୍ୟ ସଂଗ୍ରହାଳୟ ପାଇଁ ଭିତ୍ତିପ୍ରସ୍ତର ସ୍ଥାପନ

ଭୁବନେଶ୍ୱର: ପୂର୍ବତଟ ରେଳପଥ ମହାପ୍ରବନ୍ଧକ ବିଦ୍ୟା ଭୂଷଣ ଆଜି ରେଳପଥର ମୁଖ୍ୟାଳୟ ନିକଟସ୍ଥ ରେଳବାଇ ଷ୍ଟାଡିୟମ ଠାରେ ଅତିରିକ୍ତ ମହାପ୍ରବନ୍ଧକ ସୁଧୀର କୁମାର ଏବଂ ଅନ୍ୟ ପ୍ରମୁଖ ବିଭାଗୀୟ ଅଧିକାରୀମାନଙ୍କ ଉପସ୍ଥିତିରେ ରେଳ ଐତିହ୍ୟ ସଂଗ୍ରହାଳୟ ପାଇଁ ଭିତ୍ତିପ୍ରସ୍ତର ସ୍ଥାପନ କରିଛନ୍ତି।

ଭୁବନେଶ୍ୱରରେ ଏକ ରେଳ ସଂଗ୍ରହାଳୟ ପ୍ରତିଷ୍ଠା କରିବାର ଉଦ୍ଦେଶ୍ୟ ହେଉଛି ପୁରୁଣା ରେଳ ଉପକରଣର ସଂରକ୍ଷଣ, ଏହି ଅଞ୍ଚଳରେ ରେଳବାଇର ସମୃଦ୍ଧ ଇତିହାସ ପ୍ରଦର୍ଶନ କରିବା, ରେଳବାଇ ଏବଂ ଏହାର ସଫଳତା ବିଷୟରେ ଜନସାଧାରଣଙ୍କୁ ଆଲୋକିତ କରିବା ଏବଂ ପର୍ଯ୍ୟଟନକୁ ବୃଦ୍ଧି କରିବା ଇତ୍ୟାଦି। ଭାରତୀୟ ରେଳବାଇର ବିଶେଷ ଭାବରେ ପୂର୍ବ ତଟ ରେଳପଥର ଦୀର୍ଘ ଓ ସମୃଦ୍ଧ ଐତିହ୍ୟ ଏବଂ ଜୀବନ୍ତ ଇତିହାସକୁ ସଂରକ୍ଷଣ କରିବା ପାଇଁ ପ୍ରୟାସ କରାଯିବ ବୋଲି କୁହାଯାଇଅଛି।

ପୁରାତନ ଯନ୍ତ୍ରପାତି, ପ୍ରଯୁକ୍ତିବିଦ୍ୟା ଉପକରଣ ଏବଂ ମଡେଲଗୁଡିକର କଳାକୃତି, ମଡେଲ ଏବଂ ଫଟୋଗ୍ରାଫ ଗୁଡିକର ଚମତ୍କାର ପ୍ରଦର୍ଶନ ମାଧ୍ୟମରେ ହେରିଟେଜ୍‌ ସଂଗ୍ରହାଳୟରେ ସଂରକ୍ଷିତ କରାଯିବ। ଇନଡୋର ବିଭାଗରେ, ଭାରତର ରେଳବାଇର ପ୍ରଥମ ଦିନରୁ ବିଭିନ୍ନ ଡକ୍ୟୁମେଣ୍ଟ୍‌, ପୁରୁଣା ମାନୁଆଲ୍‌, ରେଳ ମାନଚିତ୍ର, ଯନ୍ତ୍ରପାତି ଏବଂ ଫଟୋଗ୍ରାଫ୍‌ ପ୍ରଦର୍ଶିତ ହେବାକୁ ଯାଉଛି ଯାହା ଦର୍ଶକଙ୍କୁ ଚମତ୍କାର ଇତିହାସ ଏବଂ ସମୃଦ୍ଧ ଐତିହ୍ୟକୁ ଜାଣିବାରେ ସାହାଯ୍ୟ କରିବ ପରିଦର୍ଶକ ମାନେ ମଧ୍ୟ ଏଠାରେ କିଛି ସୂଚନାପୂର୍ଣ୍ଣ ସମୟ ଅତିବାହିତ କରି ଭାରତୀୟ ରେଳ ବିଷୟରେ ସେମାନଙ୍କର ଜ୍ଞାନ ଆହରଣ ପାଇଁ ସୁବିଧା ପ୍ରଦାନ କରିବ। ସଂଗ୍ରହାଳୟର ବାହ୍ୟ ବିଭାଗରେ ପୁରୁଣା ବାଷ୍ପ ଚାଳିତ ଲୋକୋମୋଟିଭ୍‌, କୋଚ୍‌, ୱାଗନ୍‌, ସିଗନାଲ୍‌ ସିଷ୍ଟମ୍‌ ଏବଂ ଅନ୍ୟାନ୍ୟ ଐତିହ୍ୟ ଆନୁସଙ୍ଗିକ ରେଳବାଇ ବ୍ୟବହୃତ ଦ୍ରବ୍ୟ ସ୍ଥାନ ପାଇବ।