ପୂର୍ବତଟ ରେଳପଥରେ ଗଡ଼ିବ ଆଉ ୪ଟି ସ୍ବତନ୍ତ୍ର ଟ୍ରେନ୍
ଭୁବନେଶ୍ବର : ପୂର୍ବତଟ ରେଳପଥ ପରିସୀମା ମଧ୍ୟରେ ଆଉ ୪ଟି ସ୍ବତନ୍ତ୍ର ଟ୍ରେନ୍ ଚଳାଇବାକୁ ରେଳ ମନ୍ତ୍ରଣାଳୟ ପକ୍ଷରୁ ନିଷ୍ପତ୍ତି ନିଆଯାଇଛି। ଏହି ଟ୍ରେନ୍ଗୁଡ଼ିକ ହେଲା, ପୁରୀ-ମୁମ୍ବାଇ ଏଲ୍ଟିଟି, ପୁରୀ-ଗାନ୍ଧୀଧାମ, ମୁଜାଫରପୁର-ଯଶୋବନ୍ତପୁର ଓ ଜସିଡିହ-ତାମ୍ବରମ ସ୍ବତନ୍ତ୍ର ଟ୍ରେନ୍। ମୁମ୍ବାଇ ଏଲ୍ଟିଟି-ପୁରୀ-ମୁମ୍ବାଇ ଏଲ୍ଟିଟି ସ୍ପେଶାଲ୍(୦୨୧୪୫/୦୨୧୪୬) ମୁମ୍ବାଇରୁ ଏପ୍ରିଲ ୧୧ରୁ ପ୍ରତ୍ୟେକ ରବିବାର ରାତି ୮ଟା ୩୦ରେ ଏବଂ ପୁରୀରୁ ଏପ୍ରିଲ ୧୩ରୁ ରାତି ୯ଟା ୪୫ରେ ପ୍ରତି ମଙ୍ଗଳବାର ଚଳାଚଳ କରିବ। ପରବର୍ତ୍ତୀ ଆଦେଶ ପର୍ଯ୍ୟନ୍ତ ଉକ୍ତ ଟ୍ରେନ୍ ଚାଲିବ।
Sambad is now on WhatsApp
Join and get latest news updates delivered to you via WhatsApp
ସେହିପରି ଗାନ୍ଧୀଧାମ-ପୁରୀ-ଗାନ୍ଧୀଧାମ ସ୍ବତନ୍ତ୍ର ଟ୍ରେନ୍ (୦୯୪୯୩/୦୯୪୯୪) ଏପ୍ରିଲ ୧୬ରୁ ଗାନ୍ଧୀଧାମରୁ ପ୍ରତ୍ୟେକ ଶୁକ୍ରବାର ରାତି ୧୧ଟା ୫ରେ ଛାଡ଼ିବ ଏବଂ ପୁରୀରୁ ଏପ୍ରିଲ ୧୯ରୁ ପ୍ରତି ସୋମବାର ରାତି ୧୧ଟାରେ ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ ଚଳାଚଳ କରିବ। ମୁଜାଫରପୁର-ଯଶୋବନ୍ତପୁର-ମୁଜାଫରପୁର ସ୍ବତନ୍ତ୍ର ଟ୍ରେନ୍(୦୫୨୨୮/୦୫୨୨୭) ମୁଜାଫରପୁରରୁ ଏପ୍ରିଲ ୫ରୁ ଜୁନ୍ ୨୮ ମଧ୍ୟରେ ପ୍ରତ୍ୟେକ ସୋମବାର ସକାଳ ୭ଟା ୨୫ରେ ଛାଡ଼ିବ ଏବଂ ଯଶୋବନ୍ତପୁରରୁ ଏପ୍ରିଲ ୭ରୁ ଜୁନ୍ ୩୦ ମଧ୍ୟରେ ପ୍ରତି ବୁଧବାର ରାତି ୧୧ଟା ୫୫ରେ ଛାଡ଼ିବ। ଜସିଡିହ-ତାମ୍ବରମ୍-ଜସିଡିହ ସ୍ବତନ୍ତ୍ର ଟ୍ରେନ୍ (୦୨୩୭୬/୦୨୩୭୫) ଜସିଡିହରୁ ଏପ୍ରିଲ ୧୪ରୁ ପ୍ରତି ବୁଧବାର ଅପରାହ୍ଣ ୧ଟା ୨୦ରେ ଛାଡ଼ିବ ଓ ତାମ୍ବରମ୍ରୁ ଏପ୍ରିଲ ୧୭ରୁ ପ୍ରତ୍ୟେକ ଶନିବାର ମଧ୍ୟାହ୍ନ ୧୨ଟା ୫୫ରେ ଛାଡ଼ି ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ ଚଳାଚଳ କରିବ। ବିଦ୍ୟୁତୀକରଣ ସହିତ ତୃତୀୟ ଲାଇନ କାର୍ଯ୍ୟକ୍ଷମ ପାଇଁ ବିଶାଖାପାଟନମ୍-ନୂଆଦିଲ୍ଲୀ- ବିଶାଖାପାଟଣା ସ୍ବତନ୍ତ୍ର ଟ୍ରେନ୍(୦୨୮୦୫/୦୨୮୦୬) ଉଭୟ ପାର୍ଶ୍ୱରୁ ଏପ୍ରିଲ୍ ୧୦ରୁ ୨୩ ମଧ୍ୟରେ ପରିବବର୍ତ୍ତିତ ମାର୍ଗ ଭାୟା ସୀମାଞ୍ଚଳମ୍ ଉତ୍ତର-ବିଜୟନଗରମ-ରାୟଗଡା-ଟିଟିଲାଗଡ଼-ରାୟପୁର-ଗୋଣ୍ଡିଆ-ନାଗପୁର ହୋଇ ଚଳାଚଳ କରିବ।