ଭାଲୁ ଆକ୍ରମଣରେ ଜଣେ ଯୁବତୀଙ୍କ ସହିତ ୪ ଗୁରୁତର Latestଜିଲ୍ଲାମୟୂରଭଞ୍ଜ By Sambad Digital On Nov 16, 2022 ସେୟାର ରାଇରଙ୍ଗପୁର: ଭାଲୁ ଆକ୍ରମଣରେ ୪ ଗୁରୁତର। ଛେଳି ଚରାଇବାକୁ ଯାଇଥିବା ଓ ପରିବା ଚାଷ କରିଥିବା ବିଲକୁ ଯାଇଥିବା ବେଳେ ଭାଲୁ ଆକ୍ରମଣର ଶିକାର ହେଲେ ୩ ଯୁବକ ଓ ଜଣେ ଯୁବତୀ। Sambad is now on WhatsApp Join and get latest news updates delivered to you via WhatsApp Join Now ସୂଚନା ଅନୁଯାୟୀ ମୟୂରଭଂଜ ଜିଲ୍ଲା ରାଇରଙ୍ଗପୁର ବନଖଣ୍ଡ ଅନ୍ତର୍ଗତ ବହଳଦା ରେଞ୍ଜ ଜାମଦା ସେକ୍ସନର ବୁଢ଼ୀରଣା ଜଙ୍ଗଲ ପାର୍ଶ୍ଵକୁ ଶାଗଯୋଡି ଗ୍ରାମର ଦରଗା ବିରୁଆ(୫୫) ଓ ତାଙ୍କ ସ୍ତ୍ରୀ ସୋମବାରି ବିରୁଆ(୪୦) ଛେଳି ଚରାଇବାକୁ ଯାଇଥିଲେ ସେହି ସମୟରେ ହଠାତ ଗୋଟିଏ ଭାଲୁ ଆସି ତାଙ୍କୁ ଆକ୍ରମଣ କରିଥିଲା । ତେବେ ତାଙ୍କ ଚିତ୍କାର ଶୁଣି ଜଟାପାଣି ଗ୍ରାମର ଦଶରଥ ମୁଦୁୟା(୩୧) ଓ କଲାୟ ହେମ୍ବ୍ରମ (୩୨) ରକ୍ଷା କରିବାକୁ ଯାଉଥିବା ସମୟରେ ତାଙ୍କୁ ମଧ୍ୟ ଆକ୍ରମଣ କରିଥିଲା । ଗ୍ରାମବାସୀ ଓ ବନବିଭାଗର କର୍ମଚାରୀମାନେ ଗୁରୁତରଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ। ତେବେ ଦରଗାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜକୁ ସ୍ଥାନାନ୍ତର କରାଯାଇଛି।