ଏନ୍‌ସିଏସ୍‌ସିଡିଏ ପକ୍ଷରୁ ଦିବ୍ୟାଙ୍ଗଙ୍କ ପାଇଁ ମାଗଣା ନିଯୁକ୍ତି ମେଳା

ଭୁବନେଶ୍ବର : ଆସନ୍ତା ଅଗଷ୍ଟ ୨୬ ତାରିଖ ଦିନ ରାଜ୍ୟର ଶ୍ରବଣ ବାଧିତମାନଙ୍କ ପାଇଁ ନ୍ୟାସନାଲ କ୍ୟାରିଅର୍‌ ସର୍ଭିସ୍‌ ସେଣ୍ଟର୍‌ (ଏନ୍‌ସିଏସ୍‌ସିଡିଏ), ଭୁବନେଶ୍ୱର କାର୍ଯ୍ୟାଳୟ ପରିସରରେ ଏକ ମାଗଣା ନିଯୁକ୍ତି ମେଳାର ଆୟୋଜନ କରାଯାଇଛି । ଭି ମାର୍ଟ, ମାକ୍ସ ଏବଂ ଫ୍ଲିପକାର୍ଟ ଭଳି ପ୍ରତିଷ୍ଠିତ କମ୍ପାନିଗୁଡିକରେ ଖାଲି ଥିବା ଅନ୍ୟୁନ ୩୦ଟି ପଦବି ଶ୍ରବଣ ବାଧିତଙ୍କ ଦ୍ୱାରା ପୂରଣ କରିବା ପାଇଁ ୟୁଥ୍‍ ଫର୍‍ ଜବ୍‌ସ ଫାଉଣ୍ଡେସନ ପକ୍ଷରୁ ଏହି ନିଯୁକ୍ତି ମେଳା କରାଯାଇଛି। ନିଜର ପୂରଣ ହୋଇଥିବା ବାୟୋଡାଟା ସହିତ ଭିନ୍ନକ୍ଷମ ସାର୍ଟିଫିକେଟ, ପାସପୋର୍ଟ ସାଇଜ୍‌ ଫଟୋକପି, ପାନ୍‍ କାର୍ଡ, ଆଧାରକାର୍ଡ, ଶିକ୍ଷାଗତ ପ୍ରମାଣପତ୍ର ଆଦି ସମସ୍ତ କାଗଜପତ୍ର ସହିତ ନିଯୁକ୍ତି ପାଇଁ ଇଚ୍ଛୁକ ସମସ୍ତ ଶ୍ରବଣ ବାଧିତମାନଙ୍କୁ ଏହି ମେଳାରେ ଅଂଶଗ୍ରହଣ ପାଇଁ ଅନୁରୋଧ କରାଯାଇଛି।

ସୂଚନା ମୁତାବକ ୨୬ ତାରିଖ ପୂର୍ବାହ୍ନ ୧୦ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ଏହି ମେଳା ଚାଲିବ। ବୟସ ସୀମା ରହିଛି ୧୮ ରୁ ୩୦ ବର୍ଷ। ଉୟଭ ମହିଳା ଓ ପୁରୁଷ ଏଥିରେ ଅଂଶ ଗ୍ରହଣ କରିପାରିବେ। ଏହି ପଦବି ପାଇଁ ଶିକ୍ଷାଗତ ଯୋଗ୍ୟତା ମାଟ୍ରିକ ପାସ୍‌ ଓ ତଦୁର୍ଦ୍ଧ ରଖାଯାଇଛି। ମଧୁସୂଦନ ପାର୍କ ସମ୍ମୁଖ ଏନ୍‍ସିଏସ୍‍ସିଡିଏ (ପୂର୍ବନାମ ଭିଆର୍‌ସିଏଚ୍‍)ରେ ତଥା ଭୁବନେଶ୍ବର ଗଣ୍ଡମୁଣ୍ଡା ଓ ପୋଖରୀପୁଟ ମଧୁସୂଦନ ପାର୍କ ସାମ୍ନା ପ୍ଲଟ ନମ୍ବର ୧, ୨, ୫ ଏବଂ ୬ ରେ ଏହା ଆୟୋଜିତ ହେବ। ଅଧିକ ବିବରଣୀ ପାଇଁ ଯୋଗାଯୋଗ ନମ୍ବର ୦୬୭୪-୨୩୫୨୩୧୭ ରଖାଯାଇଛି।