ପାରଳାଖେମୁଣ୍ଡି ଏସିଏଫ ମୃତ୍ୟୁ ମାମଲା: ଗଜପତି ଏସ୍ପି କହିଲେ- ଅଧିକ ତଦନ୍ତର ଆବଶ୍ୟକତା ଅଛି
ଭୁବନେଶ୍ୱର: ପାରଳାଖେମୁଣ୍ଡି ଏସିଏଫ ସୌମ୍ୟରଂଜନ ମହାପାତ୍ରଙ୍କ ମୃତ୍ୟୁ ମାମଲା ଦିନକୁ ଦିନ ଅଧିକ ରହସ୍ୟଘେର ଦେଇ ଗତି କରୁଥିବା ବେଳେ ଆଜି ଗଜପତି ଏସପି ତପନ କୁମାର ପଟ୍ଟନାୟକ ଡିଏଫଓ ସଂଗ୍ରାମ ବେହେରାଙ୍କୁ କ୍ଲିନଚିଟ୍ ଦେଇଛନ୍ତି । ଗଣମାଧ୍ୟମ ଆଗରେ ଏସ୍ପି ବଡ଼ ସୂଚନା ଦେଇଛନ୍ତି । ଘଟଣା ସହିତ ଡିଏଫଓଙ୍କ କୌଣସି ସଂପର୍କ ନଥିବା ଜଣାପଡୁଛି । ସିଡିଆର ଯାଂଚରୁ ଡିଏଫଓଙ୍କର ବିଦ୍ୟାଭାରତୀଙ୍କ ସହ ସଂପୃକ୍ତି ନଥିବା ସ୍ପଷ୍ଟ ହୋଇଛି । ରୋଷେୟାଙ୍କର ମଧ୍ୟ କୌଣସି ସଂପୃକ୍ତି ନଥିବା ଏସ୍ପି କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗୁରାଣ୍ଡି ଥାନା ଅଧିକାରୀ ମମତା ପଣ୍ଡାଙ୍କୁ ନେଇ ଏସ୍ପି ଶ୍ରୀ ପଟ୍ଟନାୟକ କହିଛନ୍ତି ଯେ, ବିଦ୍ୟାଙ୍କ ଘର ଲୋକଙ୍କ ଫୋନ କଲ ପାଇ ମମତା ପଣ୍ଡା ଯାଇଥିଲେ । ସୌମ୍ୟଙ୍କ ମୃତ୍ୟୁ କିପରି ହେଲା, ସେନେଇ ଅଧିକ ତଦନ୍ତର ଆବଶ୍ୟକତା ରହିଛି ବୋଲି ସେ କହିଛନ୍ତି ।