ପୁଲିସ କବ୍ଜାରେ ୟାକୁବ୍
ହାଇଦର୍କୁ ବିରିଆନି ଖୁଆଉଥିଲା
ଆତ୍ମସମର୍ପଣ ପୂର୍ବରୁ ଟେକି ନେଲା ପୁଲିସ
ଠିକା କାମ, ବାଲିଘାଟ ହାତେଇବା ଯୋଜନାରେ ଥିଲା
Sambad is now on WhatsApp
Join and get latest news updates delivered to you via WhatsApp
କଟକ : ସୋମବାର ଦିନ ପ୍ରାୟ ୧୦ଟା ୫୫। ଚାଉଳିଆଗଞ୍ଜ ଥାନା ସାମ୍ନା ଜାତୀୟ ରାଜପଥ ଉପରୁ ଓହ୍ଲାଇ ସର୍ଭିସ ରୋଡକୁ ଆସିଥିଲା ୟାକୁବ୍ ଓରଫ ସଲ୍ଲୁ ଖାଁ, ଯିଏକି ଗ୍ୟାଙ୍ଗ୍ଷ୍ଟର ହାଇଦରର ସହଯୋଗୀ। ସେ ଆତ୍ମସମର୍ପଣ ପୂର୍ବରୁ ଉପସ୍ଥିତ ଥିବା ଗଣମାଧ୍ୟମ ପ୍ରତିନିଧିଙ୍କୁ ହାଇଦର୍ ସମ୍ପର୍କରେ ବୟାନ ଦେବାକୁ ଯାଉଥିଲା। କିନ୍ତୁ ତାକୁ ସାଦା ପୋଷାକଧାରୀ ପୁଲିସ ଥାନା ଭିତରକୁ ଟେକି ନେଇଥିଲେ। ହାଇଦର୍ ସହିତ ୟାକୁବ୍ର ଦୀର୍ଘଦିନର ସମ୍ପର୍କ ଏବ˚ ୟାକୁବ୍ର ଅପରାଧିକ କାର୍ଯ୍ୟକଳାପ ସମ୍ପର୍କରେ ପୁଲିସ ଜେରା ଆରମ୍ଭ କରିଛି। ଠିକା କାମ ଓ ବାଲିଘାଟ କାମ ହାତେଇବାକୁ ସେ ହାଇଦରକୁ ଭେଟିବା ପାଇଁ ବଡ଼ମେଡିକାଲକୁ ନିୟମିତ ଆସୁଥିଲା। ହାଇଦରକୁ ୩ ଥର ବିରିଆନି ଖୁଆଇଥିବା ବି ସେ ସ୍ବୀକାର କରିଥିବା ଜଣାପଡ଼ିଛି। କଟକ ପୀର ଅଞ୍ଚଳରେ ୟାକୁବ୍ର ଘର। ପୀର ଅଞ୍ଚଳରେ ୟାକୁବ୍ ସହ ତା’ର ପରିବାର ଆତଙ୍କ ଖେଳାଉଥିଲେ। ତା’ ବଡ଼ଭାଇ ଓ ଭିଣୋଇ ଟିଟୋ ଗ୍ୟାଙ୍ଗ୍ ପାଇଁ କାମ କରୁଥିବା ଜଣାପଡ଼ିଛି।
ସୂଚନା ଅନୁଯାୟୀ, ପୁଲିସ ସିସି କ୍ୟାମେରା ଫୁଟେଜରେ ୟାକୁବ୍କୁ ଚିହ୍ନଟ କରି ମହାନଦୀବିହାରରେ ଥିବା ତା’ର ଘରେ ଶନିବାର ବିଳମ୍ବିତ ରାତିରେ ଦୁଇଥର ଚଢ଼ଉ କରିଥିଲା। ଜୀବନ ପ୍ରତି ବିପଦ ଥିବା ଦର୍ଶାଇ କମିସନରେଟ୍ ପୁଲିସ ନିକଟରେ ସେ ଆତ୍ମସମପର୍ପଣ କରିବା ନେଇ ରବିବାର ରାତିରେ ଘୋଷଣା କରିଥିଲା।