ଗଞ୍ଜେଇ ଜବତ, ଯୁବତୀ ଗିରଫ

ତୁଷୁରା : ବଲାଙ୍ଗୀର ଜିଲ୍ଲା ତୁଷୁରା ଥାନା ଅଇଁଲାପାଲି ରାସ୍ତାରେ ଜଣେ ଯୁବତୀଙ୍କ ପାଖରୁ ଗଞ୍ଜେଇ ଜବତ କରି ତାଙ୍କୁ ଗିରଫ କରାଯାଇଛି। ଗିରଫ ଯୁବତୀ କନ୍ଧମାଳ ଜିଲ୍ଲା ଗୋଛାପଡ଼ା ଥାନା ଅଞ୍ଚଳର ଜନନୀ ବାଗ ବୋଲି ଜଣାପଡ଼ିଛି।

ପୁଲିସର ସୂଚନା ଅନୁସାରେ ଜନନୀ ଏକ ବ୍ୟାଗରେ ଗଞ୍ଜେଇ ଧରି ବସ୍‌କୁ ଅପେକ୍ଷା କରିଥିଲେ। ଖବର ପାଇ ତୁଷୁରା ପୁଲିସ ତାଙ୍କୁ ଅଟକ ରଖି ବ୍ୟାଗରୁ ୧୧ ପ୍ୟାକେଟ ଗଞ୍ଜେଇ ଜବତ କରିଥିଲା। ତୁଷୁରା ତହସିଲଦାର ରବୀନ୍ଦ୍ର ପଟେଲଙ୍କ ଉପସ୍ଥିତିରେ ଉକ୍ତ ଗଞ୍ଜେଇକୁ ଓଜନ କରାଯାଇଥିଲା। ପରେ ଅଭିଯୁକ୍ତ ଜନନୀଙ୍କୁ କୋର୍ଟଚାଲାଣ କରାଯାଇଥିବା ଥାନା ଅଧିକାରୀ ସଂଜୀବ ପଧାନ ସୂଚନା ଦେଇଛନ୍ତି। ଏହି ଚଢଉରେ ଏସ୍‌ଆଇ ଭାନୁପ୍ରିୟା ମହାନ୍ତି, ଏଏସ୍‌ଆଇ ଜ୍ୟୋତ୍ସ୍ନାରାଣୀ ମହାନନ୍ଦ, କନେଷ୍ଟବଳ ମଙ୍ଗଳା ମାଡକାମୀ, ମନୋଜ ପଟେଲ, ବିଜୟାନନ୍ଦ ମାଝୀ, ବଳରାମ କାଲାଗୁରା ପ୍ରମୁଖ ସାମିଲ ଥିଲେ।