ଗଞ୍ଜେଇ ଚୋରା ଚାଲାଣ, ୨ ଗିରଫ
ବୌଦ୍ଧ : ଗଞ୍ଜେଇ ଚୋରା ଚାଲାଣ ଅଭିଯୋଗରେ ବୌଦ୍ଧ ଜିଲ୍ଲା ପନଖିମାଲ ଗ୍ରାମର ଅଚ୍ୟୁତ ମହାନନ୍ଦିଆ(୨୪) ଓ ଅନୁଗୁଳ ଜିଲ୍ଲା ଆଠମଲ୍ଲିକ ଥାନା ଅନ୍ତର୍ଗତ ଟାଙ୍ଗିଆନିସା ଗ୍ରାମର ଅଜିତ କହଁର(୨୮)ଙ୍କୁ ବୌଦ୍ଧ ପୁଲିସ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କଠାରୁ ୬ କେଜି ୫୦ ଗ୍ରାମ ଗଞ୍ଜେଇ ଜବତ କରାଯାଇଛି। ସେମାନେ ବ୍ୟବହାର କରୁଥିବା ବାଇକ୍ (ଓଡି ୨୭ ଏ ୫୭୩୬)କୁ ମଧ୍ୟ ଜବତ କରାଯାଇଛି। ମଙ୍ଗଳବାର ସେମାନେ ସମାପାଜୁରୁ ବୌଦ୍ଧ ପଟକୁ ବାଇକ୍ରେ ଗଞ୍ଜେଇ ଚାଲାଣ କରୁଥିବା ଖବର ପାଇ ଏସ୍ଆଇ ପୁରୁଷୋତ୍ତମ ସ୍ବାଇଁ ସଦଳବଳେ ସାନଗୋଛାପଡ଼ା ଛକରେ ଛକି ରହି ଧରିଥିଲେ।
Sambad is now on WhatsApp
Join and get latest news updates delivered to you via WhatsApp
