ଗଞ୍ଜାମ: ପୂଜା ଉତ୍ସବକୁ ଦୃଷ୍ଟିରେ ରଖି ଗଞ୍ଜାମରେ ଥିବା ବିଭିନ୍ନ ଜୁଆ ଆଡ୍ଡା ଉପରେ ଚଢ଼ାଉ କରିବା ପାଇଁ ଅଭିଯାନ ଆରମ୍ଭ କରିଥିଲା ଗଞ୍ଜାମ ପୁଲିସ | ଦୁର୍ଗା ପୂଜା ଶେଷ ହୋଇଥିବା ବେଳେ ଗତ ୪୮ ଘଣ୍ଟା ମଧ୍ୟରେ ଗଞ୍ଜାମ ପୁଲିସ ସମଗ୍ର ଜିଲ୍ଲାର ୨୦ଟି ଜୁଆ ଆଡ୍ଡା ଉପରେ ଚଢ଼ାଉ କରି ୨,୧୨,୦୧୦ଟଙ୍କା ଜବତ କରିଛି | ୧୪୨ଜଣ ଜୁଆ ଖେଳାଳିଙ୍କୁ ଗିରଫ କରିବା ସହ ୮ଟି ମୋବାଇଲ ଫୋନ ଜବତ କରାଯାଇଛି | ଏ ନେଇ ଗଞ୍ଜାମର ପୁଲିସ ଅଧୀକ୍ଷକଙ୍କ ପକ୍ଷରୁ ଟୁଇଟ କରି ସୂଚନା ଦିଆଯାଇଛି |
Sambad is now on WhatsApp
Join and get latest news updates delivered to you via WhatsApp
In view of Puja festive, special drive made against gambling dens in Ganjam.
Last 48 hours #Ganjam cops busted 20 gambling dens in all over d district & arrested 142 gamblers with seizure of Cash Rs.2,12,010/-& 08 mobile handsets for indulging in the illegal activity.@DGPOdisha pic.twitter.com/eiKHYgviUX— SP GANJAM (@sp_ganjam) October 28, 2020
୧୪୨ଜଣଙ୍କ ମଧ୍ୟରୁ ଗଞ୍ଜାମର ପୁରୁଷୋତ୍ତମପୁର ପୁଲିସ ସାହାପୁର, ବେଢା, ମାଧପୁର ଗାଁରେ ୨୦ଟି ଜୁଆ ଆଡ୍ଡା ଉପରେ ଚଢ଼ାଉ କରି ୧୩ ଜଣ ଜୁଆ ଖେଳାଳିଙ୍କୁ ଗିରଫ କରିଛି | ଏହା ସହ ସେମାନଙ୍କଠାରୁ ନଗଦ ୩୬,୪୦୦ଟଙ୍କା ଜବତ କରାଯାଇଛି | ସେହିପରି ଗତ ୨୪ଘଣ୍ଟା ମଧ୍ୟରେ ଟ୍ରାଫିକ ନିୟମ ଉଲ୍ଲଂଘନକାରୀଠାରୁ ଗଞ୍ଜାମ ପୁଲିସ ୨୪,୫୦୦ଟଙ୍କା ଆଦାୟ କରିଥିବା ବେଳେ ମାସ୍କ ପିନ୍ଧିନଥିବା ଲୋକଙ୍କଠାରୁ ୨,୦୦୦ଟଙ୍କା ଏବଂ ମଦ କାରବାର ପାଇଁ ୧୬ଜଣଙ୍କୁ ଗିରଫ କରିଛି ଗଞ୍ଜାମ ପୁଲିସ୍ |