ବ୍ରହ୍ମପୁର : ଗଞ୍ଜାମ ଜିଲ୍ଲାରେ ପୁଣି କରୋନା ଏକ ବଡ ଲମ୍ଫ ମାରିଛି । କରୋନା ସଂକ୍ରମଣ ଓ ମୃତ୍ୟୁରେ ରୋକ୍ ଲାଗିପାରିନାହିଁ । ଆଜି ପୁଣି ଜିଲ୍ଲାରେ ୫ ଜଣ ମୃତ୍ୟୁ ଘଟିଛି । ଜିଲ୍ଳାରେ ମୃତ୍ୟୁ ସଂଖ୍ୟା ୧୦୫ରେ ପହଂଚିଛି । ଏଥିରୁ ୯୯ଜଣ କୋଭିଡ଼୍ ଏବଂ ୬ଜଣ ଅଣ କୋଭିଡ଼ ମୃତ୍ୟୁ ଘଟିଛି । ଜିଲ୍ଲାରୁ ଆଜି ୩୦୮ଜଣ ସଂକ୍ରମିତ ହୋଇଛନ୍ତି । ଜିଲ୍ଲାର ସମୁଦାୟ ସଂକ୍ରମିତ ସଂଖ୍ୟା ୧୦ହଜାର ୬୭୨ରେ ପହଂଚିଛି । ଜିଲ୍ଳାରେ ଆଜି ମଧୁମେହ ଓ ଉଚ୍ଚ ରକ୍ତଚାପରେ ପୀଡ଼ିତ ୫୪ବର୍ଷୀୟ ବୃଦ୍ଧ, ମଧୁମେହ, ରୋଗରେ ପୀଡ଼ିତ ୪୪ ବର୍ଷୀୟ ପୁରୁଷ, ଉଚ୍ଚରକ୍ତଚାପରେ ପୀଡ଼ିତ ୬୩ ବର୍ଷୀୟ ପୁରୁଷ ଏବଂ ମଧୁମେହ ଓ ଉଚ୍ଚରକ୍ତଚାପ ପୀଡ଼ିତ ୫୬ ବର୍ଷୀୟ ମହିଳାଙ୍କ କରୋନାରେ ମୃତ୍ୟୁ ଘଟିଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଚିହ୍ନଟ ସଂକ୍ରମିତଙ୍କ ମଧ୍ୟରେ କୋଭିଡ଼୍ ଯୋଦ୍ଧା ୩୫ ଜଣ, ରାଜ୍ୟ ବାହାର ଫେରନ୍ତା ସଂକ୍ରମିତ ଜଣେ ଏବଂ ପଜିଟିଭ୍ ସଂସ୍ପର୍ଶରେ ଆସି ସ୍ଥାନୀୟ ସଂକ୍ରମତି ୨୭୨ ଜଣ ରହିଛନ୍ତି । ସଂକ୍ରମିତ କୋଭିଡ଼୍ ଯୋଦ୍ଧାଙ୍କ ମଧ୍ୟରେ ଆସିକା, ବେଲଗୁଣ୍ଠା, କବିସୂର୍ଯ୍ୟନଗର, ଖଲ୍ଲିକୋଟ, ପାତ୍ରପୁର ଓ ଗଞ୍ଜାମ ଅଂଚଳର ୨ଜଣ ଲେଖାଏଁ, ବ୍ରହ୍ମପୁର ଅଂଚଳର ୧୦ଜଣ, ଛତ୍ରପୁର ଅଂଚଳର ୪ଜଣ, ଧରାକୋଟ ଓ ରଙ୍ଗେଇଲୁଣ୍ଡା ଅଂଚଳର ଜଣେ ଲେଖାଏଁ, ସାନଖେମୁଣ୍ଡି ଓ ହିଞ୍ଜଳିକାଟୁ ଅଂଚଳର ୩ଜଣ ଲେଖାଏଁ ରହିଛନ୍ତି । ରାଜ୍ୟ ବାହାର ଫେରନ୍ତା ସଂକ୍ରମିତଙ୍କ ମଧ୍ୟରେ ବେଲଗୁଣ୍ଠା ଅଂଚଳର ଜଣେ ରହିଛନ୍ତି । ପଜିଟିଭଙ୍କ ସଂସ୍ପର୍ଶରେ ଆସି ସ୍ଥାନୀୟ ସଂକ୍ରମିତଙ୍କ ମଧ୍ୟରେ ଆସିକା, ପୋଲସରା ଓ କୁକୁଡ଼ାଖଣ୍ଡି ଅଂଚଳର ୮ ଜଣ ଲେଖାଏଁ, ବେଗୁନିଆପଡ଼ା, ଶେରଗଡ଼ ଓ ଛତ୍ରପୁର ଅଂଚଳର ୪ ଜଣ ଲେଖାଏଁ , ବେଲଗୁଣ୍ଠା ଅଂଚଳର ୧୨ ଜଣ, ବ୍ରହ୍ମପୁର ମହାନଗର ଅଂଚଳର ୫୯ଜଣ, ଭଞ୍ଜନଗର ଓ ପାତ୍ରପୁର ଅଂଚଳର ୨୨ଜଣ ଲେଖାଏଁ , ବୁଗୁଡ଼ା ଓ ରଙ୍ଗେଇଲୁଣ୍ଡା ଅଂଚଳର ୫ଜଣ ଲେଖାଏଁ , ଚିକିଟି ଅଂଚଳର ୧୭ଜଣ, ଧରାକୋଟ ଅଂଚଳର ୩ଜଣ, ଦିଗପହଣ୍ଡି ଅଂଚଳର ୧୪ଜଣ,ଗଞ୍ଜାମ ଅଂଚଳର ୨୨ଜଣ, ହିଞ୍ଜଳିକାଟୁ ଅଂଚଳର ୬ଜଣ, ଜଗନ୍ନାଥ ପ୍ରସାଦ ଅଂଚଳର ୧୬ଜଣ, କବିସୂର୍ଯ୍ୟନଗର ଓ ସାନଖେମୁଣ୍ଡି ଅଂଚଳର ୩ଜଣ ଲେଖାଏଁ, ଖଲ୍ଲିକୋଟ ଅଂଚଳର ୬ଜଣ, ପୁରୁଷୋତମପୁର ଅଂଚଳର ୯ଜଣ, ରଙ୍ଗେଇଲୁଣ୍ଡା ଅଂଚଳର ୫ ଓ ସୋରଡ଼ା ଅଂଚଳର ୧୦ଜଣ ରହିଛନ୍ତି । ଏତଦବ୍ୟତୀତ ଅନ୍ୟାନ ଅଂଚଳର ୨ଜଣ ରହିଛନ୍ତି ।