ଗଞ୍ଜାମ: ଦନ୍ତାହାତୀକୁ ଗୁଳି ମାରି ହତ୍ୟା

ଦିଗପହଣ୍ଡି: ଶନିବାର-ରବିବାର ରାତିରେ ନିମଖଣ୍ଡିପେଣ୍ଠ ଗାଁ ନିକଟରେ କେତେକ ଦୁର୍ବୃତ୍ତ ଗୋଟାଏ ବଣୁଆ ଦନ୍ତାହାତୀକୁ ଗୁଳି କରି ହତ୍ୟା କରିଥିବା କଥା ଜଣାପଡ଼ିଛି। ୫ ରୁ ୬ ବର୍ଷ ବୟସ ମଧ୍ୟର ଏଇ ଦନ୍ତାହାତୀଟିର ବେକ ପାଖରେ ଗୁଳି ଚୋଟ ଲାଗିଥିବା କଥା ରେଞ୍ଜର୍‌ ପରମାନନ୍ଦ ପାଣିଗ୍ରାହୀ କହିଛନ୍ତି।

ରାତିରେ ଦୁର୍ବୃତ୍ତମାନେ ଗୁଳିମାରି ହାତୀଟିକୁ ହତ୍ୟା କରିବା ପରେ ତା’ର ଦାନ୍ତକୁ ଉପାଡ଼ି ନେବାକୁ ଉଦ୍ୟମ କରିଥିଲେ। କିନ୍ତୁ ରାତି ପାହି ଆସିବାରୁ ଦାନ୍ତ ଉପାଡ଼ିବାରେ ବିଫଳ ହୋଇ ଘଟନାସ୍ଥଳରୁ ଚାଲି ଯାଇଥିବା ଅନୁମାନ କରାଯାଉଛି।

ମୃତ ଦନ୍ତାହାତୀଟି ସେ ଅଞ୍ଚଳରେ ବୁଲାବୁଲି କରୁଥିବା ୮ଟିକିଆ ହାତୀପଲରୁ ଗୋଟାଏ।

ଶବ ବ୍ୟବଚ୍ଛେଦ ହେବା ପରେ ହାତୀ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ରେଞ୍ଜର୍‌ କହିଛନ୍ତି।