ଆରଏସପିରେ ବିଷାକ୍ତ ଗ୍ୟାସ ଲିକ୍, ୮ ଆଇସିୟୁରେ
ରାଉରକେଲା: ଆଜି ପୂର୍ବାହ୍ନ ପ୍ରାୟ ୧୦ଟା୧୫ରେ ଆରଏସ ପି ବ୍ଲାଷ୍ଟ ଫର୍ଣ୍ଣେସରେ ବିଷାକ୍ତ ଗ୍ୟାସ ଲିକ୍ ହୋଇଥିବାର ଖବର ମିଳିଛି। ଏହାଫଳରେ ୯ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୮ ଜଣ ଆହତ ଏବେ ଆଇଜିଏଚର ଆଇସିୟୁରେ ଭର୍ତ୍ତି ହୋଇଛନ୍ତି। ଆହତଙ୍କ ମଧ୍ୟରେ ଜଣେ ଆର ଏସ ପିର ବରିଷ୍ଠ ମ୍ୟାନେଜର, ଦୁଇ ଜଣ କର୍ମଚାରୀ ଓ ୫ ଜଣ ଠିକା ଶ୍ରମିକ ଥିବା ଜଣାଯାଇଛି। ଜଣେ ମହିଳା ଶ୍ରମିକ ପ୍ରାଥମିକ ଚିକିତ୍ସାପରେ ଘରକୁ ଫେରିଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆହତମାନେ ହେଲେ ବରିଷ୍ଠ ମ୍ୟାନେଜର ଜୟରାମ ବାରିକ, କର୍ମଚାରୀ ଦୁଃଖୀଶ୍ୟାମ ଦାସ ଓ ପ୍ରଦୀପ କୁମାର ସାହୁ ଏବଂ ଠିକା ଶ୍ରମିକ ରାଜୁ ମଇତି, ଶାନ୍ତନୁ ନାୟକ, ପ୍ରଦୀପ କୁଜୁର, ସୂରଜ ଛତ୍ରୀ ଓ ଠିକାଦାର ଲକ୍ଷ୍ମୀ ସିଂହ।
ସୂଚନା ଅନୁଯାୟୀ ଗ୍ୟାସ୍ କ୍ଲିନିଂ ପ୍ଲାଣ୍ଟରେ କାମ କରିବାକୁ ଯାଉଥିବା ବେଳେ ଏଭଳି ଅଘଟଣ ଘଟିଥିବା କୁହାଯାଉଛି।