ଏସ୍‌ସିବି ‘ସ୍କୁଲ ଅଫ୍‌ ନର୍ସିଂ’ ୧୯୮୧ ବ୍ୟାଚ୍‌ର ବନ୍ଧୁମିଳନ

ଭୁବନେଶ୍ବର: ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ ଏବଂ ହସ୍‌ପିଟାଲ (ଏସ୍‌ସିବି)ର ‘ସ୍କୁଲ ଅଫ୍‌ ନର୍ସିଂ’ ବିଭାଗର ଜୁଲାଇ ୧୯୮୧ ବ୍ୟାଚ୍‌ ସହପାଠୀମାନଙ୍କ ଦ୍ବାରା ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କଟକର ଦୋଳମୁଣ୍ଡାଇସ୍ଥିତ ହୋଟେଲ ‘ଆକବରୀ କଣ୍ଟିନେଣ୍ଟାଲ୍‌’ରେ ଗତ ଶୁକ୍ରବାର ଦିନ ଏହି ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସମାରୋହରେ ମନୋରମା ଦେଇ, ଯମୁନା କୁମାରୀ ରାଉତ, ଉର୍ମିଳା ଦାସ ଓ ସ୍ବର୍ଣ୍ଣଲତା ମହାନ୍ତି ଅତିଥି ଭାବେ ଯୋଗଦେଇଥିଲେ। ରଶ୍ମିତା ପ୍ରଧାନ, ପ୍ରଭାତୀ ମହାନ୍ତି, ଚାରୁବାଳା ବେହେରା, ସୁଲୋଚନା ନାୟକ ଓ ଦୌଦାମିନୀମାଳା ତ୍ରିପାଠୀ ଅତିଥି ତଥା ସମସ୍ତ ସହପାଠୀଙ୍କୁ ସ୍ବାଗତ ଜଣାଇଥିଲେ। ଲକ୍ଷ୍ମୀପ୍ରିୟା ଜେନା ସ୍ବାଗତ ଭାଷଣ ଦେଇଥିଲା ବେଳେ ଅତିଥିମାନେ ସେମାନଙ୍କ ବକ୍ତବ୍ୟ ପ୍ରଦାନ କରିଥିଲେ।

ଏହି ଅବସରରେ ପ୍ରବଚକ କାଶୀ ନନା ପ୍ରବଚନ ଦେଇଥିଲେ। ସମାରୋହରେ ଅତିଥିମାନେ ସହପାଠୀ ବନ୍ଧୁମାନଙ୍କ ଦ୍ବାରା ପ୍ରସ୍ତୁତ ପତ୍ରିକା ’ସଳିତା’ ଉନ୍ମୋଚନ କରିଥିଲେ। ସମସ୍ତଙ୍କୁ ସ୍ମୁତିଚିହ୍ନ ପ୍ରଦାନ କରାଯାଇଥିଲା। ଶେଷରେ କବିତା ମହାପାତ୍ର ଧନ୍ୟବାଦ ଅର୍ପଣ କରିଥିଲେ। ଇତ୍ୟବସରରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା।