ବିବାହ ଭୋଜିରେ ନବଦମ୍ପତିଙ୍କୁ ଗ୍ୟାସ୍ ସିଲିଣ୍ତର ଉପହାର 

ସୋର : ସୋରରେ ପୁଣି ଏକ ବିବାହ ଭୋଜିରେ ନବଦମ୍ପତିଙ୍କୁ ଉପହାର ସ୍ବରୂପ ସାଥୀମାନେ ଗ୍ୟାସ୍‌ ସିଲିଣ୍ତର ଉପହାର ଦେଇ ଦରବୃଦ୍ଧିର ଅଭିନବ ପ୍ରତିବାଦ ଘଟଣା ଚର୍ଚ୍ଚାର ବିଷୟ ପାଲଟିଛି। ଗତକାଲି ସୋର ନଗର ଯୁବ କଂଗ୍ରେସ ସଭାପତି ଲଲାଟେନ୍ଦୁ ପଣ୍ତାଙ୍କ ଚତୁର୍ଥୀ ଭୋଜିରେ ତାଙ୍କ ସାଥୀମାନେ ଏକ ଗ୍ୟାସ୍‌ ଭର୍ତ୍ତି ଟାଙ୍କି ଉପହାର ଦେଇଥିବା ଦେଖିବାକୁ ମିଳିଛି। ଚତୁର୍ଥୀ ଭୋଜିରେ ଛାତ୍ର କଂଗ୍ରେସର ରାଜ୍ୟ ସମ୍ପାଦକ ରହିମତ ଅଲ୍ଲୀ, ସତ୍ୟ ରଂଜନ ବେହେରା, ଦେବୀପ୍ରସନ୍ନ ରାଉତ, ଅଭିଳାଷ ବାରିକ, ସନମ ବାରିକ, ରତିରଞ୍ଜନ ପଣ୍ତା ପ୍ରମୁଖ ନିମନ୍ତ୍ରିତ ଅତିଥି ଭାବେ ଯୋଗଦେଇ ଏକ ସୁସଜ୍ଜିତ ଗ୍ୟାସ ଟାଙ୍କିକୁ ଉପହାର ଭାବେ ପ୍ରଦାନ କରିଥିଲେ।

ସୂଚନା ଯୋଗ୍ୟ ଯେ, ଏହା ପୂର୍ବରୁ ଆଟ୍ଟପୁର ସାରୁପଦା ଗ୍ରାମର ଏକ ବାହାଘର ଭୋଜିରେ ସାଙ୍ଗମାନେ ୫ ଲିଟର ଜାର୍କିନରେ ପେଟ୍ରୋଲ ଭର୍ତ୍ତି କରି ନବଦମ୍ପତିଙ୍କୁ ଉପହାର ଦେଇ ତୈଳ ଦରବୃଦ୍ଧିର ପ୍ରତିବାଦ କରିଥିଲେ।