ବୃଦ୍ଧାଙ୍କ ବେକରୁ ସୁନାଚେନ୍ ଲୁଟ୍
ଧର୍ମଶାଳା : ଧର୍ମଶାଳା ଥାନା ୫୩ ନମ୍ବର ଜାତୀୟ ରାଜପଥର କଣ୍ଟିଗଡ଼ିଆ ଛକ ନିକଟରେ ଗୁରୁବାର ଦିନ ସ୍କୁଟି ପଛରେ ବସି ଯାଉଥିବା ଜଣେ ବୃଦ୍ଧାଙ୍କ ବେକରୁ ସୁନାଚେନ୍ ଓ ଲକେଟ୍ ଲୁଟ୍ ହୋଇଛି। ଏ ସଂପର୍କରେ ବୃଦ୍ଧାଙ୍କ ପୁଅ ଢେଙ୍କାନାଳ ଜିଲ୍ଲା ନିହଲପ୍ରସାଦ ଗ୍ରାମର ଶରତ ସାହୁ ଚଣ୍ତିଖୋଲ ଫାଣ୍ତି ଓ ପରେ ଧର୍ମଶାଳା ଥାନାରେ ଏତଲା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶରତ ମା’ ମାତାଜୀ ସାହୁ(୭୫)ଙ୍କୁ ସ୍କୁଟିରେ ବସାଇ ଭଉଣୀ ଘର ଡେରାବିଶ ଥାନା ରାଣୀପଡ଼ା ଗାଁରୁ ନିଜ ଘରକୁ ଫେରୁଥିଲେ। ପୂର୍ବାହ୍ଣ ପ୍ରାୟ ୧୦ଟାରେ ଶ୍ରୀରାମପୁର ଟୋଲ୍ ଗେଟ୍ ଓ କଣ୍ଟିଗଡ଼ିଆ ଛକ ମଝିରେ ସେମାନଙ୍କ ପଛରୁ ଆସୁଥିବା ଜଣେ ବାଇକ୍ ଚାଳକ ମାତାଜୀ ପିନ୍ଧିଥିବା ୧୨ ଗ୍ରାମ୍ ଓଜନର ସୁନାଚେନ୍ ଓ ଲକେଟକୁ ଝାମ୍ପି ନେଇ ଚଣ୍ତିଖୋଲ ଆଡ଼େ ଚମ୍ପଟ ମାରିଥିଲା।