ଦିନ ଦ୍ବିପହରରେ ଡୁଙ୍ଗୁରିପାଲି ସହରର ଶ୍ରୀକ୍ରିଷ୍ଣା ଜୁଏଲର୍ସରୁ ୧୭ ଲକ୍ଷରୁ ଅଧିକ ଟଙ୍କାର ସୁନା ଚୋରି
ଡୁଙ୍ଗୁରିପାଲି: ଦିନ ଦ୍ବିପହରରେ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ସହରର ଏକ ଗହଣା ଦୋକାନରୁ ଚୋରି ହୋଇଥିବାର ଅଭିଯୋଗ ହୋଇଛି। ଏହି ଘଟଣା ପୁଲିସ୍ ପାଇଁ ମୁଣ୍ଡବ୍ୟଥାର କାରଣ ହୋଇଛି।
ଡୁଙ୍ଗୁରିପାଲି ସହରର ଶ୍ରୀକ୍ରିଷ୍ଣା ଜୁଏଲର୍ସରୁ ୩୫୦ ଗ୍ରାମ ସୁନା ଚୋରି ହୋଇଥିବା ଡୁଙ୍ଗୁରିପାଲି ଥାନାରେ ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ, ଗତକାଲି ଶ୍ରୀକ୍ରିଷ୍ଣା ଜୁଏଲର୍ସର ପଛ ପଟ କାନ୍ଥ ଭାଙ୍ଗି ଚୋରମାନେ ଏହି ସୁନା ଚୋରି କରିଛନ୍ତି। ଚୋରି ସୁନାର ଆନୁମାନିକ ମୂଲ୍ୟ ୧୭ ଲକ୍ଷରୁ ଅଧିକ ଟଙ୍କା ହେବ ବୋଲି କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଶ୍ରୀକ୍ରିଷ୍ଣା ଜୁଏଲର୍ସର ମାଲିକ ପୀତାମ୍ବର ସାହୁ ଏନେଇ ଡୁଙ୍ଗୁରିପାଲି ଥାନାରେ ଅଭିଯୋଗ କରିଛନ୍ତି। ତାଙ୍କ କହିବା ଅନୁଯାୟୀ ଦିନ ୨ଟାରେ ଦୋକାନ ବନ୍ଦ କରି ଘରକୁ ଖାଇବାକୁ ଯାଇଥିବା ବେଳେ ପଛ ପଟ କାନ୍ଥ ଭାଙ୍ଗି ଚୋରମାନେ ଏହି ସୁନା ଚୋରି କରିଛନ୍ତି। ସେ ସନ୍ଧ୍ୟା ସାଢେ ୫ଟା ବେଳେ ଦୋକାନ ଖୋଲିବା ବେଳେ ଏହା ଦେଖିବାକୁ ପାଇଥିଲେ। ଅଭିଯୋଗ ପାଇବା ପରେ ପୁଲିସ ଚୋରମାନଙ୍କୁ ଧରିବା ପାଇଁ ପୁଲିସ ତନା ଘନା ଉଦ୍ୟମ ଜାରି ରଖିଥିବା ପ୍ରକାଶl ଡୁଙ୍ଗୁରିପାଲି ବଣିକ ସଂଘ ଥାନାକୁ ଯାଇ ଉକ୍ତ ଚୋରି ଘଟଣାରେ ଉଦବେଗ ପ୍ରକାଶ କରି ତୁରନ୍ତ ଚୋରମାନଙ୍କୁ ଧରିବା ପାଇଁ ଦାବି କରିଛିl