ଧାମରାରୁ ଖଡ଼ଗପୁର ଅଭିମୁଖେ ଯାଉଥିବାବେଳେ କୋଇଲା ବୋଝେଇ ଟ୍ରେନ ଲାଇନଚ୍ୟୁତ

ଭଦ୍ରକ : ଭଦ୍ରକ ଜିଲ୍ଲାର ସବବୃହତ ପ୍ରକଳ୍ପ ଧାମରା ବନ୍ଦର ନିକଟରେ ଏକ ଟ୍ରେନ ଲାଇନଚ୍ୟୁତ୍ ହୋଇ ଥିବାର ଖବର ମିଳିଛି । ମିଳିଥିବା ସୂଚନା ଅନୁଯାୟୀ ଧାମରା ବନ୍ଦରର ଅଦାନି କମ୍ପାନିରୁ ଗତକାଲି ବିଳମ୍ବିତ ରାତିରେ ଏକ କୋଇଲା ବୋଝେଇ ଟ୍ରେନ ଧାମରାରୁ ଖଡ଼ଗପୁର ଅଭିମୁଖେ ଯାଂଉଥିବା ବେଳେ ତିହିଡ଼ି ରୁରାଲଥାନା ଅନ୍ତର୍ଗତ ପାଳିଆ ବିଝାରପୁର ନିକଟରେ ଲାଇନ୍ ଚ୍ୟୁତ୍ ହୋଇଛି ।

ଏହି ଟ୍ରେନରେ ୬୨ ଗୋଟି ବଗି ଥିବ ବେଳେ ଏ ଟ୍ରେନ୍ର ୮ଗୋଟି କୋଇଲା ବୋଝେଇ ବଗି ଟ୍ରାକ ତଳକୁ ଖିସପଡ଼ିଥିବା ସୁଚନା ମିଳିଛି । ବିଝାରପୁର ଲେବୁଲ କ୍ରସିଂ ନିକଟର ଖୁଟଂ ୧୮/୫ ନମ୍ବର ୧୮/୧୦ ଟୁଟଂ ନିକଟରେ ଲାଇନଚ୍ୟୁଚ ହୋଇଛି । ଏହାଫଳରେ ଉକ୍ତ ୮ଟି ବଗିରେ ଥିବା ସବୁ କୋଇଲା ତଳେ ପଡ଼ିଯାଇଛି। ଏହା ଫଳରେ ସେଠାରେ ଟ୍ରେନ ଚଳାଚଳ ବ୍ୟାହତ ହୋଇଥିବା ଜଣାଯାଇଛି।

ତେବେ ଅନ୍ୟ କୌଣସି କ୍ଷତି ଘଟିନଥିବା କୁହାଯାଉଛି। ତେବେ ଖବରପାଇ ଆଜି ସକାଳେ ଘଟଣାସ୍ଥଳରେ ରେଳବାଇ କର୍ମଚାରୀ ଏବଂ ଅଦାନି କମ୍ପାନିର କର୍ମଚାରୀମାନେ ପହଞ୍ଚିଛନ୍ତି।