ପୁଲିସ କର୍ମଚାରୀଙ୍କୁ ଅଟକ ରଖିବା ଘଟଣାରେ ୩୦ଜଣଙ୍କୁ ଉଠାଇ ନିଆଗଲା
ଗୋପ: ପୁଲିସ କର୍ମଚାରୀଙ୍କୁ ଅଟକ ରଖିବା ଘଟଣାରେ ୩୦ଜଣଙ୍କୁ ପୁଲିସ୍ ଉଠାଇ ନିଆଯାଇଥିବାର ଖବର ମିଳିଛି। ପୁରୀ ଜିଲ୍ଲାର ଗୋପ ଥାନାର ରେଢୁଆ ଗାଁରୁ ୨୦ ମହିଳା ଓ ୧୦ଜଣ ପୁରୁଷ ପୁଲିସ୍ ଉଠାଇ ନିଆଯାଇଥିବାର ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ଗୋପ ଥାନା ପୁଲିସ୍ ବିଳମ୍ବିତ ରାତିରେ ଗାଁରେ ପଶି ଉଠେଇନେଇଥିବା ଜଣାଯାଇଛି । ସମସ୍ତଙ୍କୁ ପୁରୀ ସ୍ଥାନାନ୍ତର କରାଯାଇଥିବାର ଖବର ମିଳିଛି। ଏବେ ରେଢୁଆ ଗାଁ ପୁରୁଷଶୂନ୍ୟ ହୋଇଯାଇଥିବା କୁହାଯାଉଛି ।
ସୂଚନାଯୋଗ୍ୟ, ଗତ ୬ ତାରିଖରେ ଗୋପ ଥାନା ପୁଲିସ୍ ଅଭିଯୁକ୍ତକୁ ଧରିବାକୁ ଯାଇ ଅନ୍ୟ ଲୋକଙ୍କ ଘରେ ପଶିଥିଲା । ପ୍ରତିବାଦରେ ପୁଲିସକୁ ଅଟକ ରଖିଥିଲେ ଗ୍ରାମବାସୀ। ଅଭିଯୁକ୍ତଙ୍କୁ ନ ଛାଡ଼ି ପୁଲିସକୁ ୬ ଘଣ୍ଟା ଧରି ଅଟକ ରଖିଥିଲେ ଗ୍ରାମବାସୀ । ଏହି ଘଟଣା ଏବେ ପୁରୀ ଜିଲ୍ଲାରେ ଆଲୋଡ଼ନ ସୃଷ୍ଟି କରିଛି।